સૈફ અલી ખાન અને કરિના કપૂર ખાનના 'છોટે નવાબ' તૈમૂર અલી ખાન ઇન્ટરનેટ સેન્સેશન બની ગયો છે જેમાં કોઇ સંદેહ નથી. પોતાની ક્યૂટનેસથી લોકોનું દિલ જીતનાર તૈમૂર અલી ખાન બોલિવુડના ફેવરિટ સ્ટાર કિડ્સમાંથી એક છે.
તૈમૂરની ફેન ફૉલોઇંગ કોઇ સુપરસ્ટારથી ઓછી નથી ત્યારે તો તેની કોઇ પણ ફોટો સોશ્યલ મીડિયા પર આવતાની સાથે જ વાયરલ થઇ જાય છે. પરંતુ તમે ક્યારેય વિચાર્યુ છે કે આ ફોટોઝની કિંમત કેટલી હોય છે? જી હા આ ફોટોઝ માટે ફોટોગ્રાફર્સ મીડિયા પાસેથી મોટી રકમ વસૂલ કરે છે જે વાતનો ખુલાસો તૈમૂરના પપ્પા સૈફ અલી ખાને કર્યો.
તાજેતરમાં જ 'કૉફી વિથ કરણ'માં સારા સાથે આવેલા સૈફે પોતાના દિકરા તૈમૂરને લઇને એક રસપ્રદ ખુલાસો કર્યો હતો. સૈફ જણાવ્યુ કે ''તૈમૂરની એક ફોટોની કિંમત 1500 રૂપિયા છે જે બોલિવુડના કોઇ પણ સુપરસ્ટારની ફોટો માટે મળતી કિંમત કરતા વધારે છે.''
એટલું જ નહીં સૈફે જણાવ્યુ કે ''સૌથી મોંઘી વેચાતી ફોટોની લિસ્ટમાં જ્યાં તેમનો દિકરો ટૉપ પર છે ત્યાં તે આ લિસ્ટમાં સૌથી છેલ્લા નંબર પર આવે છે.'' સૈફે આગળ કહ્યુ કે ''તેના સસરા રણધીર કપૂરે તૈમૂરના હાઇ રેટ વિશે જણાવ્યુ હતુ જે સાંભળી તે પણ ચોંકી ગયો હતો.''
આ પહેલા પણ એક ઇન્ટરવ્યૂમાં સૈફે મજાક-મજાકમાં તૈમૂરની મદદથી રૂપિયા કમાવવાની વાત કહી દીધી હતી. સૈફે કહ્યુ કે ''જો કોઇની પાસે ડાયપરની એડ હોય તો તેઓ તૈમૂરને કાસ્ટ કરી શકે છે.'' જોકે કરિનાને જ્યારે આ વાત કહી ત્યારે તેણે સૈફને કહ્યુ કે ''તે ખૂબ જ ચીપ છે.''