ઓલમ્પિકમાં 41 વર્ષે ઈતિહાસ રચનારી ભારતીય હૉકી ટીમ પર ઈનામોની વર્ષા થઈ રહી છે. પંજાબ અને MPની સરકાર દ્વારા ત્યાના ખેલાડીઓને 1 કરોડ રૂપિયા આપવાની જાહેરાત કરવામાં આવી છે.
મેચ જીત્યા બાદ ખેલાડીઓ પર ઈનામોનો વરસાદ
પંજાબ સરાકર 8 ખેલાડીઓને 1 કરોડ આપશે
મધ્યપ્રદેશ સરકાર પણ ત્યાના ખેલાડીઓને 1 કરોડ આપશે
ટોક્યો ઓલમ્પિકમાં ભારતીય હૉકી ટીમે 41 વર્ષ બાદ બ્રોન્ઝ મેડલ જીત્યો છે. જેને લઈને હવે ભારતીય હૉકી ટીમના પ્લેયરો પર ઈનામો જાહેર કરવામાં આવી રહ્યા છે. પંજાબ સરકારે પંજાબના ખેલાડીઓને 1 કરોડનું ઈનામ આપવાની જાહેરાત કરી છે. પંજાબના ખેલ મંત્રી રાણા ગુરમીત સિંહ સોઢીએ આ ઈનામની જાહેરાત કરી છે.
Punjab Government announces a cash award of Rs 1 crore each to the India men's hockey team players from the state
ટ્વીટ કરીને તેમણે કહ્યું કે ઐતિહાસિક જીતને કારણે દેશ ઘણો ખુશ છે. જેથી તેઓ પંજાબના ખેલાડીઓને 1 કરોડ રૂપિયા ઈનામમાં આપવાના છે. સાથેજ તેમણે કહ્યું પંજાબના ખેલાડીઓ વતન પરત આવે તેની આતુરતાથી રાહ જોવામાં આવી રહી છે.
પંજાબના ખેલાડીઓને મળશે 1 કરોડનું ઈનામ
આપને જણાવી દઈએ કે કેપ્ટન મનપ્રીત સિંહ સહિત પંજાબના આઠ ખેલાડીઓ હૉકી ટીમના સદસ્ય છે. જેમા કેપ્ટન મનપ્રિત સિહ સિવાય, હરમનપ્રીત સિંહ, રુપિંદર પાલ સિંહ, હાર્દિક સિંહ, શમશેર સિંહ, દિલપ્રીત સિંહ, ગુરજંત સિંહ અને મનદીપ સિંહ પંજાબના છે.
MPના CM દ્વારા પણ 1 કરોડના ઈનામની જાહેરાત
આ સીવાય મધ્યપ્રદેશની સરકાર દ્વારા પણ ત્યાના ખેલાડીઓને 1 કરોડનું ઈનામ આપવાની જાહેરાત કરવામાં આવી છે. મધ્યપ્રદેશના 2 ખેલાડી વિવેક સાગર અને નીલકાંતા શર્માને MP સરકાર દ્વારા 1 કરોડનું મોટું ઈનામ આપવાની જાહેરાત કરવામાં આવી છે. જેમા મુખ્યમંત્રી શિવરાજસિંહ ચૌહાણ દ્નારા આ ઈનામ જાહેર કરવામાં આવ્યું છે.
भारतीय पुरुष #Hockey टीम ने #Tokyo2020 में सर्वश्रेष्ठ टीमों को हराया है। इटारसी के लाल विवेक सागर टीम का हिस्सा हैं, नीलकांता शर्मा ने मध्यप्रदेश हॉकी एकेडमी से ट्रेनिंग ली है।
— Shivraj Singh Chouhan (@ChouhanShivraj) August 5, 2021
ટ્વીટ કરીને ભારતીય હૉકી ટીમના કર્યા વખાણ
CM શિવરાજ સિંહે ટ્વીટ કરીને ભારતીય હૉકી ટીમના વખાણ કર્યા છે. 1980માં ભારતે ગોલ્ડ મેડલ જીત્યો હતો અને હવે 41 વર્ષ બાદ ભારતે બ્રોન્ઝ મેડલ જીત્યો જેથી દેશમાં આજે ખુશીનો માહોલ છે. વડાપ્રધાન મોદીએ પણ મેચ જીત્યા બાદ કેપ્ટન મનપ્રિત સિંહને ફોન કરીને તેમને અભિનંદન પાઠવ્યા હતા.