સુરતના પાંડેસરના વડોદમાંથી 4 વર્ષીય બાળકી સાથે દુષ્કર્મની ચોંકાવનારી ઘટના સામે આવી છે.
સુરતમાં વધુ એક બાળકી સાથે દુષ્કર્મની ઘટના
પાંડેસરા વડોદમાં 4 વર્ષની બાળકી સાથે દુષ્કર્મ
3 બાળકોના પિતાએ બાળકી સાથે દુષ્કર્મ આચર્યું
સુરતમાં હત્યા, લૂંટ, રેપ જેવી ઘટનાઓમાં દિવસે ને દિવસે વધારો થઈ રહ્યો છે. એવામાં ફરિવાર સુરતથી માનવીય સભ્યતાને શર્મસાર કરે તેવી ઘટના પ્રકાશમાં આવી છે. સુરતના પાંડેસરાના વડોદ ગામમાં 4 વર્ષીય બાળકી સાથે દુષ્કર્મની ચોંકાવનારી ઘટના સામે આવી છે.
સુરતમાં વધુ એક બાળકી સાથે દુષ્કર્મની ઘટના
સુરતના પાંડેસરા નજીકના વડોદ ગામમાં વિસ્તારમાં રહેતા પરપ્રાંતિય પરિવારની 4 વર્ષની બાળકી સાથે વધુ એક દુષ્કર્મની ઘટના બનવા પામી છે. આ અંગે પોલીસ સુત્રોના જણાવ્યા અનુસાર વડોદ આવાસ વિસ્તારમાં રહેતા પરપ્રાંતિય પરિવારની 4 વર્ષની બાળકી પાર્કીંગમાં રમી રહી હતી. તે દરમિયાન પાણીના કેરબા ઉંચકવાની મજૂરી કામ કરતો અજય રમણ પટેલ બાળકીને તેની માતાની જાણ બહાર પોતાની રહેણાંક રૂમમાં લઇ ગયો હતો.
બાળકીની માતાને શંકા જતા ભાંડો ફૂટ્યો
જયાં માસુમ સાથે દુષ્કર્મ કર્યા બાદ નરાધમ અજય તેને પરત મુકવા આવ્યો હતો. પોતના ઘરે પાણીનો કેરબો મુકવા આવતા અજયથી બાળકીની માતા પરિચીત હતી અને અજયની સાથે પુત્રીને જોઇ તે ચોંકી ગઇ હતી. માતાને શંકા જતા બાળકીને ઘરે લઇ ગયા બાદ તેની પૂછપરછ કરતા નીશાએ પોતાની સાથે થયેલા કૃત્યની જાણ કરી હતી.
પોલીસે તાબડતોબ નરાધમ ની ધરપકડ કરી
માતાએ આ અંગેની જાણ બાળકીના પિતાને કર્યા બાદ ગત રાતે પોલીસને જાણ કરી હતી. પોલીસે તુરંત જ અજયની ધરપકડ કરી પૂછપરછ હાથ ધરી છે. ઉલ્લેખનીય છે કે અજય પરિણીત છે અને સંતાનમાં 13 વર્ષનો મોટો પુત્ર અને 11 વર્ષની બે જુડવા પુત્રી છે. હાલ પાંડેસરા પોલીસે તેની અટકાયત કરી કાયદેસરની પુછપરછ હાથ ધરી છે.