કોરોના પણ ન થયો અને કોઈ પણ પ્રકારનું સ્ટેરોઇડ પણ નથી લીધું, તેમ છતાં થયો છે મ્યુકરમાયકોસિસ
બ્લેક ફંગસ ઇન્ફેકશનનો એક વધુ ચોંકાવનારો કિસ્સો સામે આવ્યો
મધ્યપ્રદેશમાં આવેલી શ્યામ શાહ મેડિકલ કોલેજની સુપર સ્પેશ્યાલિટી હોસ્પિટલમાં આવ્યો કેસ
મેડિકલ કોલેજે મિશન બ્લેક ફંગસ શરૂ કર્યું
બ્લેક ફંગસ ઇન્ફેકશનનો એક વધુ ચોંકાવનારો કિસ્સો સામે આવ્યો
બ્લેક ફંગસ ઇન્ફેકશનનો એક વધુ ચોંકાવનારો કિસ્સો સામે આવ્યો છે. જેમાં દર્દીને કોરોનાના કોઈ પણ લક્ષણ ન હોવા છતાં અને કોઈપણ સ્ટેરોઇડનો ઉપયોગ ન કર્યો હોવા છતાં તેને આ બીમારી થઈ હતી. છેલ્લા 2 દિવસમાં આવા 3 કેસ આવ્યા છે. હવે આ થવા પાછળના જવાબદાર કારણો શ્યામ શાહ કોલેજના ડોક્ટર્સ શોધી રહ્યા છે. આ કેસ મધ્યપ્રદેશના રીવા જિલ્લામાં બન્યો છે.
મધ્યપ્રદેશમાં આવેલી શ્યામ શાહ મેડિકલ કોલેજની સુપર સ્પેશ્યાલિટી હોસ્પિટલમાં આવ્યો કેસ
મધ્યપ્રદેશમાં આવેલી શ્યામ શાહ મેડિકલ કોલેજની સુપર સ્પેશ્યાલિટી હોસ્પિટલમાં બ્લેક ફંગસના આવા દર્દીઓ આવતા ડોક્ટર્સની ચિંતા વધી ગઈ છે. છેલ્લા થોડાક દિવસમાં 3 દર્દીઓના મોત થયા છે અને 14 દર્દીઓની સારવાર ચાલી રહી છે. આ દરમ્યાન બ્લેક ફંગસ ઇન્ફેકશનના વોર્ડમાં એક એવો દર્દી સામે આવ્યો કે જેને કોરોનાના કોઈ પણ લક્ષણ હતા નહીં. તેણે કોઈ પણ જાતના સ્ટેરોઇડ પણ લીધા ન્હોતા, તેમ છતાં તે બ્લેક ફંગસ નો શિકાર બન્યો. ત્યાંનાં ડૉક્ટર તેની એન્જિયોગ્રાફી કરી તપાસ કરી રહ્યા છે કે આ થવા પાછળ કયા કારણો જવાબદાર છે. હવે તો આ બીમારી ઘાતક સાબિત થઈ રહી છે.
મેડિકલ કોલેજે મિશન બ્લેક ફંગસ શરૂ કર્યું
સારવારમાં મોટો ખર્ચ કર્યા બાદ પણ દર્દી મોતને ભેટી રહ્યા છે. આ કેસ પર મેડિકલ કોલેજના આંખ, નાક, કાન અને ગળાના ડોક્ટર્સની ટીમ એકસાથે મળીને કામ કરી રહી છે. આ મેડિકલ કોલેજે મિશન બ્લેક ફંગસ શરૂ કર્યું છે. ડોકટર દર્દીઓનું ચેકઅપ કરીને યોગ્ય સારવાર પણ કરી રહી છે.બીજી એક વાત એ પણ છે કે શ્યામ શાહ મેડિકલ કોલેજની હોસ્પિટલમાં રીવા, સતના, સીધી, સિંગરોલી જિલ્લાના બધા જ બ્લેક ફંગસના દર્દીઓ આવે છે. અત્યાર સુધીમાં આ કોલેજમાં 17 દર્દીઓ આવ્યા હતા જેમાંથી 3 દર્દી મૃત્યુ પામ્યા છે.