પેટ્રોલ-ડીઝલ સાથે હવે ખાદ્ય તેલમાં સતત મોંઘવારીનો ડામ લાગી રહ્યો છે.આજે સિંગતેલના ભાવમાં ફરી 25 રૂપિયાનો વાધારો થતાં સિંગતેલના ડબ્બાનો ભાવ રૂપિયા 2700 થઈ ગયો
પેટ્રોલ-ડીઝલ બાદ ખાદ્યતેલના ભાવમાં પણ વધારો
6 દિવસમાં 125 રૂપિયાનો વધારો
મગફળીના ભાવ વધતા તેલના ભાવ પર અસર
પેટ્રોલ-ડીઝલ બાદ ખાદ્યતેલના ભાવમાં પણ વધારો
છેલ્લા એક સપ્તાહથી પેટ્રોલ-ડીઝલ સાથે ખાદ્ય તેલના ભાવોમાં પણ સતત મોંઘવારીનો ડામ લાગી રહ્યો છે. સિંગતેલના ભાવમાં આજે ફરી 25 રૂપિયાનો વધારો થયો છે. સિંગતેલના ડબ્બાનો ભાવ 2700 પર પહોંચી ગયો છે. તો કપાસિયા તેલમાં ડબ્બાનો ભાવ પણ 2600 થી 2700ની વચ્ચે પહોંચ્યો છે.
છેલ્લા 6 દિવસમાં 125 રૂપિયાનો વધારો
ઉલ્લેખનીય છે કે , છેલ્લા છ દિવસમાં સિંગતેલના ભાવમાં ડબ્બે 125 રૂપિયાનો ભાવ વધારો થયો છે. સિંગતેલના ભાવ વધતા ગૃહિણીઓનું બજેટ ખોરવાયું છે. તો સાથે જ ખાદ્ય ચીજવસ્તુઓન ભાવમાં પણ વધારો થયો છે. મહત્વનું છે કે, મધ્યમવર્ગને મોંઘવારીનો માર પડી રહ્યો છે. છેલ્લા બે વર્ષમાં આવશ્યક ચીજ વસ્તુઓ જેવી કે, ખાદ્યતેલ, શાકભાજી અને કરિયાણા સહિતના ચીજ વસ્તુઓના ભાવમાં ભારે વધારો નોંધાયો છે.