છેડતી / રાજકોટમાં લીફ્ટમાં યુવતી સાથે બની શરમજનક ઘટના, બુકાનીધારી શખ્સની અભદ્ર કરતૂત CCTVમાં કેદ

• રાજકોટના પોશ વિસ્તારમાં બની શરમજનક ઘટના
• લીફ્ટમાં મહિલા સાથે બુકાનીધારી શખ્સે અભદ્ર વ્યવહાર કર્યો
• યુવતીએ વિરોધ કરતા બુકાનીધારી શખ્સે મહિલાનું ગળુ દબાવ્યું

રાજકોટના પોશ વિસ્તારમાં શરમજનક ઘટના બની છે.  પોશ વિસ્તારમાં અમિન માર્ગ પર આવેલા એપાર્ટમેન્ટની લિફ્ટમાં એક ઈસમે મહિલા સાથે અભદ્ર વર્તન કર્યું છે. એપાર્ટમેન્ટની લિફ્ટમાં એક ઈસમે મહિલાને બુકાનીધારી અભદ્ર વ્યવહાર કર્યો છે. મહિલાએ વિરોધ કરતા બુકાનીધારી શખ્સે યુવતીનું ગળુ પણ દબાવ્યું  હતું અને મારકૂટ કર્યાની પણ માલવિયાનગર પોલીસ સ્ટેશનનમાં  ફરિયાદ નોંધાતા ચકચાર મચી છે.

બુકાનીધારી શખ્સે અભદ્ર વ્યવહાર કર્યો

માલવિયાનગર પોલીસ સ્ટેશનનમાં 34 વર્ષીય મહિલાઓ ફરિયાદ નોંધાવી છે કે, તે મંગળવારે સવારે એપાર્ટમેન્ટ પહોંચી અને તેમનું વાહન પાર્ક કરતા તા ત્યારે તે ઈસમ ત્યાં બાઈક પર બેસેલો હતો અને જ્યારે તેઓ લિફ્ટ પહોંચ્યા ત્યાં તે લિફ્ટ ખુલ્લી રાખી અને ત્યાં ઉભો હતો. જે મહિલાને તે ઈસમે પ્રથમ માળે જવાનું કહ્યુ હતું બાદમાં જેવી લિફ્ટ બંધ થવા થઈ ત્યારે તે વ્યક્તિ વચ્ચે હાથ લાવી રોકી દીધી હતી અને અભદ્ર વ્યવહાર કરવા લાગ્યો હતો પરંતુ મહિલા લિફ્ટમાંથી બહાર ભાગવાનો પ્રયત્ન કર્યો અને તેણે બુમો પાડીશ તેમ કહેતા તે ઈસમ ઉશ્કેરાયો અને તેણે બુકાનીધારીએ ગળુ દાબવ્યો અને લાફા ઝીંક્યા હતા અને ત્યાર બાદ તે ભાગી છૂટ્યો હતો.

પોલીસ ફરિયાદ નોંધાવી
રાજકોટના પોશ વિસ્તારમાં બની શરમજનક ઘટના બાબતે મહિલાએ પોલીસમાં ફરિયાદ પણ નોંધાવી છે. યુવતીનું ગળુ દબાવી અને લાફા ઝીંકીને બુકાનીધારી શખ્સ ફરાર થઈ ગયો હતો જે બાબતે પોલીસે IPC કલમ 354-એ અને 323 મુજબ ગુનો નોંધ્યો છે. જે સમગ્ર ઘટના CCTVમાં પણ કેદ થઈ છે