રાજકોટના મહાવીર વિસ્તાર નજીક વહેલી સવારે મોર્નિંગ વોક પર ગયેલી મહિલાની ચેઈન લૂંટીને લૂંટારૂ ફરાર થઈ ગયો હતો
મોર્નિંગ વોક જતા પહેલા ચેતો
વૃદ્ધો નથી રહ્યા સુરક્ષિત
મહિલાઓએ ચેતવાની જરૂર
જો તમે રાજકોટમાં રહેતા હોય અને મોર્નિંગ વોક માટે નિકળતા હોય તો જરા ચેતી જજો. સવાર સવારમાં સારા સ્વાસ્થ્ય માટે બહાર નીકળતા સમયે મોટું નુકસાન ન થઈ જાય. રાજકોટમાં ચેઈન સ્નેચરો સક્રીય થઈ ગયા છે. વહેલી સવારે મોર્નિંગ વોક પર ગયેલી મહિલાની ચેઈન લૂંટીને લૂંટારૂ ફરાર થઈ ગયો હતો. આ લૂંટની ઘટના CCTV કેમેરામાં કેદ થઈ ગઈ હતી. મહિલાઓ મદદ માટે બુમો પાડતી રહી પણ કોઈ ઘરની બહાર ન નીકળ્યું. એક્ટિવા સવાર શખ્સ સોનાની ચેઈન તોડીને ફરાર થઈ ગયો હતો.
10 વર્ષથી આ રોડ પરથી નીકળું છું...આજે પ્રથમ વખત લૂંટ થઈ
ભોગ બનનાર મહિલાએ VTV સાથે વાત કરી હતી. તેમણે કહ્યું કે, હું છેલ્લા 10 વર્ષથી લીબુડીવાડી રોડ વિસ્તારના રસ્તા પર વૉકિંગ કરવા નિકળું છું. ત્યારે એક અજાણયા શખ્સે એક્ટીવા પરથી ઉતરી મારા ગળાના ચેઈનને લૂંટવાની કોશિશ કરી હતી. મારી સાથે લૂંટની ઘટના થતા મેં મદદ માટે લોકોને બોલાવ્યા હતા. પરંતુ કોઈ મદદે આવે તે પહેલા જ લૂંટારો ભાગી છૂટ્યો હતો.
જો કે, સદનસીબની વાત એ છે કે, ભોગ બનનાર મહિલાને કોઈ ઈજા પહોંચી નથી. અને ચેન લૂંટનારના હાથમાંથી ચેઈન પડી જતાં, મહિલાને ચેઈન પરત મળ્યો હતો. આમ છતાં શહેરમાં કોઈ વૃદ્ધ મહિલા સાથે આ પ્રકારની ઘટનાએ આગામી સમયની કોઈ મોટા ક્રાઈમ પહેલાની અગમચેતી છે.
હત્યા-આત્મહત્યામાં સુરત નંબર વન
શહેર
હત્યા
આત્મહત્યા
લૂંટ
દુષ્કર્મ
સુરત
280
2151
253
465
અમદાવાદ
211
1803
479
620
રાજકોટ
118
1395
56
203
વડોદરા
89
765
75
204
કુલ
698
6114
863
1492
રાજકોટના કોઠારીયા રોડ પર 7 દુકાનના તાળા તૂટ્યા
તો આ તરફ રાજકોટમાં તસ્કરોનો પણ તરખાટ સામે આવ્યો છે. કોઠારીયા રોડ પરના બે કોમ્પલેક્ષમાં તસ્કરો ત્રાટક્યા હતા. રાત્રી કર્ફ્યૂમાં 7 દુકાનોના તાળા તૂટ્યા હતા. જો કે, આ સમગ્ર ઘટના CCTVમાં કેદ થઈ હતી.