વિધર્મી યુવક નામ બદલીને શાળામાં કોરિયોગ્રાફર તરીકે જોડાયા બાદ વિદ્યાર્થિનીઓને મેસેજ કરી હેરાન કરતો હતો અને પછી.....
વિધર્મી યુવક કોરિયોગ્રાફર તરીકે સ્કૂલમાં જોડાયો
હિન્દુ વિદ્યાર્થિનીઓને કરતો હતો હેરાન
બજરંગ દળે વિધર્મી યુવકને મેથીપાક ચખાડ્યો
વડોદરાની એક શાળામાંથી ચોંકાવનારી ઘટના સામે આવી છે. પ્રાથમિક વિગતો મુજબ એક વિધર્મી યુવક નામ બદલીને શાળામાં કોરિયોગ્રાફર તરીકે જોડાયો હતો. જે બાદ તે શાળાની વિદ્યાર્થિનીઓને મેસેજ કરી હેરાન કરતો હતો. જોકે આ મામલો બજરંગ દળ સુધી પહોંચ્યા બાદ ઘટના પ્રકાશમાં આવી હતી. જે બાદમાં બજરંગદળ નો વિધર્મી યુવક પાસે માંફી મંગાવતો વીડિયો પણ હાલ સોશિયલ મીડિયામાં વાયરલ થઈ રહ્યો છે.
ગુજરાતમાં ફરી એકવાર વિધર્મી યુવકે પોતાની ઓળખ છુપાવી હિન્દુ બાળકીઓને હેરાન કરી હોવાનું સામે આવ્યું છે. વાત જાણે એમ છે કે, વડોદરામાં એક વિધર્મી યુવક પોતાની ઓળખ છુપાવી કોરિયોગ્રાફર તરીકે શાળામાં જોડાયો હતો. જે બાદમાં શાળામાં વિદ્યાર્થિનીઓને હેરાન કરતા વિધર્મી યુવકનો ભાંડો ફૂટ્યો હતો. જોકે વિદ્યાર્થિનીઓની ફરિયાદના આધારે બજરંગ દળે સમગ્ર મામલો હાથમાં લીધો હતો.
નામ બદલી શાળામાં જોડાયો
વિધર્મી યુવક પોતાની ઓળખ છુપાવી શિવના નામથી એક શાળામાં કોરિયોગ્રાફર તરીકે જોડાયો હતો. જોકે હાલમાં મલ્ટી વિગતો મુજબ કોરીયોગ્રાફરનું નામ શિવ નહિં પરંતુ શેરૂ પઠાણ હોવાનું સામે આવ્યું છે. આ સાથે વિધર્મી કોરીયોગ્રાફરે શાળાની વિદ્યાર્થિનીઓને બીભત્સ મેસેજ કર્યા હતા. આ યુવકે 8થી 9 હિન્દુ વિદ્યાર્થિનીઓને બીભત્સ મેસેજ કરતા મામલો ગરમાયો હતો.
ઈન્સ્ટાગ્રામમાં કરતો હતો મેસેજ
ઘટનાની વિગતો મુજબ આ વિધર્મી યુવક ધોરણ 7 અને 8માં અભ્યાસ વિદ્યાર્થિનીઓને ઈન્સ્ટાગ્રામમાં મેસેજ કરતો હતો. જોકે બાદમાં વિદ્યાર્થિનીઓની ફરિયાદના આધારે બજરંગ દળે સમગ્ર મામલો હાથમાં લીધો હતો. આ તરફ હવે બજરંગદળ નો વિધર્મી યુવક પાસે માંફી મંગાવતો વીડિયો પણ વાયરલ થયો છે.