બાળકોને ઘરે એકલા મુકી જતાં વાલીઓ માટે લાલબત્તી સમાન કિસ્સો સામે આવ્યો છે. નવસારીમાં એક અપાર્ટમેન્ટમાં ઘરનો મુખ્ય દરવાજો બંઘ થઈ જતાં દિવ્યાંગ બાળકી ફસાઈ
નવસારી શહેરમાં પાર ફળિયા વિસ્તારમાં બાળકી ફસાઈ
સિલ્વર પોઇન્ટ અપાર્ટમેન્ટના પહેલા માળે દિવ્યાંગ બાળકી ફસાઈ
દીકરીને મૂકીને ઘરની બહાર ગયા હતા માતા-પિતા
નવસારી શહેરમાં પાર ફળિયા વિસ્તારમાં બાળકી ફસાઈ
નવસારીમાં ફાયર બ્રિગેડ આગ અકસ્માતની દુર્ઘટનામાં તો બચાવ રાહત ની કામગીરી કરે જ છે. પરંતુ ઘણા કિસ્સાઓમાં ફસાયેલા વ્યક્તિઓ કે પશુઓને પણ સલામત રીતે ઉગારવાનું કામ પણ કરે છે. ત્યારે આવી જ એક ઘટના નવસારી શહેરના પાર ફળિયા એક ચોંકાવનારી ઘટના બની હતી. જેમાં ઘરનો દરવાજો લોક થઈ જવાને કારણે એક દિવ્યાંદ બાળકી ફસાઈ ગઈ હતી.
દરવાજો લોક થઈ જવાને કારણે બની ઘટના
ઉલ્લેખનીય છે કે, આ ઘટના ત્યારે બની જ્યારે માતા-પિતા દીકરીને ઘરે એકલા મૂકી ઘરની બહાર ગયાં હતાં. જે દરમિયાન ઘરનો મુખ્ય દરવાજો બંધ થઈ ગયો હતો. જેને લઈને બાળકી ઘરમાં ફસાઈ ગઈ હતી. જ્યારે માતા-પિતા ઘરે આવ્યા ત્યારે ઘરનો દરવાજો ન ખુલતાં ભારે ચિંતા પડી ગયા હતાં. બાદમાં તેઓએ નવાસારી ફાયર બ્રીગેડને કોલ કરતાં ફાયર બ્રીગેડનો કાફલો ઘટના સ્થળે પહોંચી જવા પામ્યો હતો.
ફાયરના જવાનોએ દોઢ કલાકની જહેમત બાદ રેસ્ક્યુ કર્યુ
નવસારી શહેરના પાર ફળિયા વિસ્તારમાં આવેલા એક અપાર્ટમેન્ટમાં ઘરનો મુખ્ય દરવાજો લોક થઈ જતાં એક દિવ્યાંગ બાળક ફસાઈ જતાં કોલ મળતાંની સાથે ફાયર બ્રીગેડના કાફલો તાત્કાલિત ઘટના સ્થળે પહોંચી ગયો હતો. અને ફાયર બ્રીગેડના જવાનોએ દોઢ કલાકની જહેમત બાદ દરવાજો ખોલીને એક દિવ્યાંગ બાળકીને હેમખેમ ઉગારી લેવાયું હતું.