SHORT & SIMPLE / ગોધરામાં ટ્રકચાલકે એક્ટિવાને અડફેટમાં લેતા પોલીસકર્મીનું મોત, પોલીસ બેડામાં ફરી વળી શોકની લાગણી

• પંચમહાલના ગોધરામાં માર્ગ અકસ્માતમાં પોલીસકર્મીની મોત 
• બેફામ ટ્રકે એક્ટીવાને અડફેટે લેતા સર્જાયો હતો અકસ્માત
• DSP ઓફીસ રીડર શાખામાં ફરજ બજાવતા પ્રભાતસિંહનું મોત  

પંચમહાલમાં એક માર્ગ અકસ્માતમાં પોલીસકર્મીનું મોત થયું છે. વાત જાણે એમ છે કે, ગોધરા બીવી ગાંધી પેટ્રોલપંપ પાસે એક બેફામ ટ્રકે એક્ટિવાને અડફેટે લેતા અકસ્માત સર્જાયો હતો. આ તરફ વિગતો મુજબ આ અકસ્માતમાં એક પંચમહાલ DSP ઓફિસમાં ફરજ બજાવતા પોલીસ કર્મચારીનું મોત થયું છે. 

રાજ્યમાં આજે વધુ એક અકસ્માતની ઘટના સામે આવી છે. પંચમહાલ જિલ્લાનાં ગોધરાનાં બીવી ગાંધી પેટ્રોલપંપ પાસે એક ટ્રકે એક્ટીવાને અડફેટે લીધી હતી. જોકે બેફામ ટ્રકની ટક્કરે પંચમહાલ DSP ઓફિસમાં  રીડર શાખામાં ફરજ બજાવતા પોલીસકર્મી પ્રભાતસિંહનું મોત નિપજ્યું હતું. આ તરફ પોલીસ કર્મીના અવસાનને લઈ પરિવારજનો અને પોલીસબેડામાં શોકનો માહોલ વ્યાપી ગયો છે.