બોલિવૂડ એક્ટર વિકી કૌશલ વિરુદ્ધ મધ્યપ્રદેશના ઈન્દોરમાં ફરિયાદ દાખલ કરવામાં આવી છે.
વિકી કૌશલ વિરુદ્ધ નોંધાઇ ફરિયાદ
ઇન્દોરમાં એક વ્યક્તિએ કર્યો કેસ
લુકા છુપી 2 નું ચાલી રહ્યું હતુ શૂટિંગ
એક વ્યક્તિએ આરોપ લગાવ્યો છે કે જે નંબરની બાઇક પર વિકી કૌશલ અને સારા અલી ખાન થોડા દિવસો પહેલા ઈન્દોરમાં ફરતા જોવા મળ્યા હતા તે તેમની સ્કૂટીનો નંબર છે જેનો ઉપયોગ તેમની પરવાનગી વગર કરવામાં આવ્યો છે. આ કેસમાં વ્યક્તિએ પોલીસમાં ફરિયાદ નોંધાવી છે.
પોલીસે ફરિયાદ નોંધી
એક રિપોર્ટ અનુસાર ફરિયાદી જય સિંહ યાદવે કહ્યું કે, ફિલ્મના એક સીનમાં વપરાયેલ વાહન નંબર મારો છે. મને ખબર નથી કે ફિલ્મ યુનિટને આની જાણ છે કે નહીં, પરંતુ તે ગેરકાયદેસર છે. તેઓ મારી પરવાનગી વિના બાઇક નંબરનો ઉપયોગ કરી શકે નહી. મેં પોલીસ સ્ટેશનમાં ફરિયાદ નોંધાવી છે. આ મામલે કાર્યવાહી થવી જોઈએ.
પોલીસ તપાસમાં વ્યસ્ત
ઈન્દોરના બાણગંગા વિસ્તારમાં સબ ઈન્સ્પેક્ટર રાજેન્દ્ર સોનીએ આ અંગે જણાવ્યું કે અમને ફરિયાદ મળી છે. અમે જોઈશું કે નંબર પ્લેટનો ગેરકાયદે ઉપયોગ થયો છે કે નહીં. આ પછી જ મોટર વ્હીકલ એક્ટની જોગવાઈઓ મુજબ કાર્યવાહી કરવામાં આવશે.
વિકી અને સારાની તસવીરો વાયરલ થઈ છે
નોંધનીય છે કે થોડા દિવસો પહેલા વિકી કૌશલ અને સારા અલી ખાનની કેટલીક તસવીરો વાયરલ થઈ હતી, જેમાં બંને સ્ટાર્સ બાઈક પર ઈન્દોરની ગલીઓમાં ફરતા જોવા મળ્યા હતા. વાસ્તવમાં, બંને સ્ટાર્સ આ દિવસોમાં ઇન્દોરમાં તેમની આગામી ફિલ્મનું શૂટિંગ કરી રહ્યા છે, જેનું નામ 'લુકા ચુપ્પી 2' છે. આ દરમિયાન સારાની માંગમાં લગાવેલા સિંદૂરના ફોટા પણ ઇન્ટરનેટ પર વાયરલ થયા હતા.