મહેસાણાના કડીમાં ઘરમાં બીજી બાળકીનો જન્મ થતા એક મહિનાની બાળકીની હત્યા કરી નાખી હોવાની ફરિયાદ ખુદ દાખલ કરી છે.
કડીમાં બાળકીની હત્યાનો મામલો
પોલીસે પરિવાર સામે દાખલ કરી ફરિયાદ
ફરિયાદ દાખલ થતા પરિવાર થયો ફરાર
મહેસાણાના કડીમાં પરિવાર દ્વારા બાળકીની હત્યાના મામલે હવે પોલીસે પરિવાર સામે ફરિયાદ દાખલ કરી છે. પોલીસે પરિવાર સામે ફરિયાદ નોંધતા પરિવાર ફરાર થઇ ગયો છે. ઘરે તાળુ મારી પરિવાર ફરાર થઇ ગયો છે. ઘરમાં બીજી બાળકીનો જન્મ થતા એક મહિનાની બાળકીની હત્યા કરી નાખી હોવાની ફરિયાદ ખુદ દાખલ કરી છે.
મૃતક બાળકીના ગળાના ભાગે લાલ નિશાન મળ્યા હતા
જે તે, સમયે બાળકીનું મોત થયું ત્યારે નેચરલ ડેથ મનાવવામાં આવ્યું હતું. મૃતક બાળકીની ઉંમર એક મહિનો અને 2 દિવસની હતી. બાળકીના ગળાના ભાગે જે તે સમયે લાલ નિશાન મળ્યા હતા. જે અંગે પોલીસે માતા-પિતાની પૂછપરછ કરી તો, બાળકીને ધાવણની એલર્જીના કારણે લાલ નિશાન નિકળ્યાનું બહાનું દર્શાવ્યું હતું. જો કે, પોલીસે માતા-પિતાની વાતનો વિશ્વાસ ન રાખી PM કરાવવાની તજવીજ હાથ ધરી હતી. જેમાં બાળકનું મોત શ્વાસ રૂધાવવાથી થયું હોવાનો ખુલાસો થયો છે.