IPLIN
 
  • Home
  • Sports
  • Cricket
  • A place in the semi-finals of the T20 World Cup is guaranteed! Win for UAE and advantage for Team India

T-20 World Cup 2022 / T20 વર્લ્ડ કપના સેમિફાઇનલમાં જગ્યા પાક્કી સમજો! જીત્યું UAE અને ફાયદો ટીમ ઈન્ડિયાને

Team VTV 10:32 AM, 21 Oct 22
Follow us
A place in the semi-finals of the T20 World Cup is guaranteed! Win for UAE and advantage for Team India

ગ્રુપ A ની બધી મેચો લગભગ પૂરી થઈ ગઈ છે. અપેક્ષા મુજબ પૂર્વ ચેમ્પિયન શ્રીલંકા ત્રણ મેચમાંથી બે જીત સાથે પોઈન્ટ ટેબલમાં ટોચ પર છે

  • ટી-20 વર્લ્ડ કપના રાઉન્ડ 1ની લગભગ મેચો રમાઈ ગઈ 
  • ગ્રુપ A ના સમીકરણો સમજો 
  • ગ્રુપ B ના સમીકરણો સમજો 

ઓસ્ટ્રેલીયામાં રમાઈ રહેલ ટી-20 વર્લ્ડ કપના રાઉન્ડ 1ની મેચો લગભગ પૂરી થઈ ગઈ છે અને હાલ સુપર-12 ના સમીકરણો સામે છે. શ્રીલંકા, નેધરલેન્ડ, નામિબિયા, યુએઈ, વેસ્ટ ઈન્ડિઝ, ઝિમ્બાબ્વે, આયર્લેન્ડ અને સ્કોટલેન્ડ માંથી માત્ર 4 ટીમો જ આગળ વધશે. ગ્રુપ Aમાં શ્રીલંકા, નેધરલેન્ડ, નામિબિયા અને UAE છે. ગ્રુપ બીમાં વેસ્ટ ઈન્ડિઝ, ઝિમ્બાબ્વે, આયર્લેન્ડ અને સ્કોટલેન્ડ છે. સુપર-12માં બંને ગ્રુપમાંથી બે ટીમો રમી શકશે. 

ગ્રુપ A ના સમીકરણો સમજો 
આ ગ્રૂપની બધી મેચો લગભગ પૂરી થઈ ગઈ છે. અપેક્ષા મુજબ પૂર્વ ચેમ્પિયન શ્રીલંકા ત્રણ મેચમાંથી બે જીત સાથે પોઈન્ટ ટેબલમાં ટોચ પર છે અને એ પરથી શ્રીલંકા હવે સુપર 12ના ગ્રુપ 1માં ઓસ્ટ્રેલિયા, ઈંગ્લેન્ડ, ન્યુઝીલેન્ડ અને અફઘાનિસ્તાન સાથે જોડાશે. જો કે આ પછી નેધરલેન્ડ્સ ત્રણ મેચમાંથી બે જીત સાથે બીજા સ્થાને છે. ડચ ટીમ સુપર 12 ના ગ્રુપ 2 માં ભારત, બાંગ્લાદેશ, પાકિસ્તાન અને દક્ષિણ આફ્રિકા સાથે જોડાશે. આ સાથે જ યુએઈએ નામિબિયાને હરાવી નેધરલેન્ડ્સનો રસ્તો સાફ કર્યો. જો કે આ બધા સાથે જ ભારતનો સેમીફાઈનલમાં જવાનો રસ્તો પણ સહેલો થઈ ગયો છે. જણાવી દઈએ કે ટીમ ઈન્ડિયા અને ડચ ટીમ વચ્ચે 27 ઓક્ટોબરણઆ રોજ મેચ થશે. 

ગ્રુપ B ના સમીકરણો સમજો 
બે  વારની પૂર્વ ચેમ્પિયન વેસ્ટ ઈન્ડિઝ ની ટક્કર આયર્લેન્ડ અને સ્કોટલેન્ડનો સામનો ઝિમ્બાબ્વે સાથે શુક્રવારે થશે. આ ટક્કરમાં ગ્રુપ Bમાં ટોચની બે ટીમો સુપર 12 માટે ક્વોલિફાય થશે. વેસ્ટ ઈન્ડિઝ, આયર્લેન્ડ, સ્કોટલેન્ડ અને ઝિમ્બાબ્વે વચ્ચે જે પણ બે ટીમો તેમની મેચ જીતશે તે આગળ વધશે પણ આ બધા વચ્ચે હોબાર્ટમાં શુક્રવારે વરસાદની આગાહી છે અને આ કારણે મેચો પર ભારે અસર થવાની સંભાવના છે. જો વરસાદને કારણે મેચ અટકશે તો પછી સમીકરણ નેટ રન-રેટમાં બદલાશે. જો બંને મેચો રદ થાય તો સ્કોટલેન્ડ B1 તરીકે ક્વોલિફાય થશે અને ઝિમ્બાબ્વે B2 ટીમ તરીકે ક્વોલિફાય થશે. 

હાલ સ્કોટલેન્ડ બીજા સ્થાન પર ઝિમ્બાબ્વ સાથે 0.759 ના શ્રેષ્ઠ NRR સાથે ટેબલમાં ટોચ પર છે. જો શુક્રવારની બંને મેચ એક પણ બોલ ફેંક્યા વગર વરસાદને કારણે રદ કરવામાં આવે તો સ્કોટલેન્ડ અને ઝિમ્બાબ્વે સુપર 12માં આગળ વધશે. જો વેસ્ટ ઈન્ડિઝ અને આયર્લેન્ડ મેચ રમે છે અને બીજી મેચ રદ થાય છે તો તે મેચનો વિજેતા સ્કોટલેન્ડ સાથે આગળના તબક્કામાં જશે. જો સ્કોટલેન્ડ અને ઝિમ્બાબ્વે મેચ રમેછે અને બીજી મેચ રદ થાય છે, તો મેચનો વિજેતા વેસ્ટ ઈન્ડિઝ સાથે સુપર 12માં આગળ વધશે. 

ટી-20 વર્લ્ડ કપ T20 વર્લ્ડ કપ T20 World Cup T 20 World Cup 2022 T-20 World Cup 2022
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ