આ દુનિયામાં એવા કેટલાય માણસો હોય છે, જે કોઈને કોઈ મુશ્કેલીઓનો સામનો કરતા હોય છે. ઘણી વાર તો લોકો પોતાના જ પરિવારથી એટલા કંટાળી જતાં હોય છે, માણસ ઘરબાર છોડીને અલગ રહેવાનું પસંદ કરતા હોય છે.
પતિ હંમેશા નશાની લત માટે બોલ બોલ કરતી
કંટાળીને આ ભાઈ એરપોર્ટ પર રહેવા લાગ્યો
14 વર્ષથી ઘરે નથી ગયો આ ભાઈ
ચીનના બેઈઝીંગ કેપિટલ ઈંટરનેશનલ એરપોર્ટ પર 60 વર્ષનો એક માણસ 14 વર્ષથી અડ્ડો જમાવીને બેઠો છે. તેનું પોતાનું ઘર એરપોર્ટથી થોડે દૂર જ આવેલુ છે. ઘર પરિવાર પણ છે, પણ તે ત્યાં જવાનું નામ નથી લેતો. વેઈ જિઆંગુઓ નામનો આ વ્યક્તિ આખરે એરપોર્ટ પર વેટિંગ એરિયામાં શિફ્ટ થતાં પહેલા રેલ્વે સ્ટેશન પર રોકાતો હતો. જે દિવસે તે પોતાના ઘરેથી નિકળ્યો હતો, ત્યારે તે પોતાના હાથમાં એક ઈલેક્ટ્રિક કૂકર લઈને આવ્યો હતો તેના સહારે જ તે એરપોર્ટ પર જીવન જીવી રહ્યો છે. ત્યાં એરપોર્ટ પરથી વસ્તુ ખરીદે છે અને ત્યાં જ પોતાની જીંદગી જીવી રહ્યો છે.
ઘરે જવા નથી માગતો, કારણ કે ત્યાં આઝાદી નથી
વેઈ જિઆંગુઓ જ્યારે 46 વર્ષનો હતો, ત્યારે ઘરેથી નિકળ્યો હતો, હવે તે 60 વર્ષનો થઈ ગયો છે. તેણે બેઈઝીંગ એરપોર્ટ પર શિફ્ટ થઈ ગયો છે. છેલ્લા 14 વર્ષથી તે અહીંયા જ રહે છે, તથા આવતા જતાં લોકોમાં તેને પોતાનો પરિવાર દેખાઈ છે. તેણે આટલો કઠોર નિર્ણય શા માટે લીધો તેના માટે અગાઉ 2018માં તેણે એક અખબારને જણાવ્યું હતું કે, ઘરમાં મને આઝાદી નથી મળતી.
2008થી એરપોર્ટ પર નાખ્યા છે ધામા
વેઈ જિઆંગુઓનું ઘર વાંગજિંગમાં છે. જે બેઈઝીંગ એરપોર્ટથી લગભગ 19 કિમી દૂર છે. તે 2008માં ઘર છોડીને નિકળી ગયો હતો અને બેઈઝીંગ એરપોર્ટ ટર્મિનલ 2 પર રહેવા લાગ્યો છે. કારણ કે અહીં સૌથી વધારે ગરમ વાતાવરણ જોવા મળે. આ એવો વિસ્તાર છે, જ્યાં શિયાળામાં માઈનસ 13 ડિગ્રી તાપમાન પહોંચી જાય છે.
એરપોર્ટ પર રસોડુ ઉભું કર્યું
તે જ્યારે પોતાના ઘરેથી નિકળ્યો ત્યારે સાથે એક ઈલેક્ટ્રિક કૂકર લઈને આવ્યો હતો, તે જ હવે તેનુ મોબાઈલ કિચન છે. જેના પર તે ખાવાનું બનાવે છે. બાકીના સમયે તે એરપોર્ટ પર જ પસંદગીનું ખાવાનું પીવાનુ લઈને જીવન પસાર કરે છે. તેની પાસે જે પણ સામાન છે, તે એરપોર્ટ ટ્રોલીમાં જ પડ્યો રહે છે. તેની પાસે જે સ્લિપીંગ બેગ છે, તેનાથી તેને ઘરના બેડની યાદ નથી આવતી. તેણે કહ્યું કે, તે જ્યારે 40ના દાયકામાં હતો, ત્યારે એક એન્જીન ફેક્ટરીમાં કામ કરતો હતો. પણ ઉંમર વધતાં તેને ફેક્ટરીમાંથી કાઢી મુકવામાં આવ્યો. જો કે, હાલમાં તે 11,145 રૂપિયાની આસપાસ માસિક પેન્શન મેળવે છે.
સિગરેટ અને દારૂ પિવાનું નથી છોડી શકતો
જ્યારે તેને પૂછવામાં આવ્યું તો તે બોલ્યો કે, હવે ઘરે પાછો નહીં જાય, કારણ કે, ઘરે જઈશ તો ફરી વાર સિગરેટ અને દારૂ છોડવા પર દબાણ કરશે. તેને જે પેન્શન આવે છે, તેનાથી તેના વ્યસનનો ખર્ચો નિકળી જાય છે. તેણે કહ્યું કે, મારો પરિવાર મને કહે છે કે, જો ઘરમાં રહેવુ હોય તો, દારૂ અને સિગરેટ છોડવી પડશે, અને જો હું આવુ ન કરુ તો, મારે મારા મહિનાનું તમામ પેન્શન ઘરે આપી દેવ પડે છે. તો પછી હું મારો દારૂ અને સિગારેટનો ખર્ચો કેવી રીતે કરૂ ?
અન્ય યાત્રિઓને ક્યારેય હેરાન નથી કરતો
એરપોર્ટ સ્ટાફના જણાવ્યા અનુસાર તે ખરીદી કરવા માટે બહાર જરૂરથી જાય છે, પણ ઠંડીના કારણે તે હાલ એવુ નથી કરતો. એરપોર્ટ પરની એક દુકાનના સ્ટાફે જણાવ્યું કે, આમ તો તે ખૂબ શાંત છે. ભલે તેણે બહું બધો દારૂ પીધો હોય, પણ અન્ય એક સ્ટાફે તેને પ્રેમથી અહીંથી જતા રહેવા માટે પણ સમજાવ્યો. પણ જ્યારે તેને આવું કહેવામાં આવતું ત્યારે તે નશામાં હોય છે અને થોડો ગુસ્સે થઈ જાય છે. પણ તે ક્યારેય અન્ય મુસાફરોને હેરાન નથી કરતો.