ઓસ્ટ્રેલિયામાં એક લકવાગ્રસ્ત દર્દીએ હાથનો ઉપયોગ કર્યા વગર, બોલ્યા વગર અને શરીર હલાવ્યા વગર પ્રથમ વખત પોતાનો મેસેજ લખ્યો છે. તેમણે આ મેસેજ ટ્વિટર પર પણ શેર કર્યો છે. જેને જોઈને સૌ કોઈ અચંબામાં પડી ગયા છે.
લકવાગ્રસ્ત દર્દીએ હાથનો ઉપયોગ કર્યા વગર મેસેજ લખ્યો
દર્દીએ શરીર હલાવ્યા વગર આ મેસેજ ટ્વિટર પર શેર કર્યો
લકવાગ્રસ્ત દર્દીએ કંપનીની ટેકનિકને સારી ગણાવી
લકવાગ્રસ્ત દર્દીએ કર્યુ ટ્વિટ
આ લકવાગ્રસ્ત દર્દીનુ નામ ફિલિપ ઓ'કીફ છે અને તે 62 વર્ષનો છે. તેમણે ટ્વિટ કર્યુ, હેલો વર્લ્ડ ! નાનુ ટ્વિટ, મોટુ એચિવમેન્ટ. આ ટ્વિટ ફિલિપ ઓ કીફે સિન્ક્રોન કંપનીના સીઈઓ થૉમસ ઑક્સલીના ટ્વિટર એકાઉન્ટ પર શેર કર્યુ. આ સાથે ફિલિપ ઓ કીફે તબીબોના મગજમાં પેપરક્લિપના પ્રત્યારોપણ માટે આભાર દર્શાવ્યો છે.
સિન્ક્રોન કંપનીની કમાલ
ઉલ્લેખનીય છે કે, સિન્ક્રોન કંપનીએ ફિલિપના મગજમાં માઈક્રોચિપ ઈમ્પ્લાન્ટ કરીને તેમને પોતાના વિચારના શબ્દોમાં બદલવાનો પાવર આપ્યો છે. ફિલિપના મગજમાં ઈમ્પ્લાન્ટ કરવામાં આવેલી માઈક્રોચિપ મગજના સંકેતોને વાંચે છે. પછી આ સંકેતોનું વિશ્લેષણ કરે છે અને મગજના નિર્દેશોને સમજીને તેને શબ્દોમાં પરિવર્તિત કરે છે.
ફિલિપે ટેકનિકને આશ્ચર્યજનક ગણાવી
ફિલિપે આ પ્રણાલીને ખૂબ જ આશ્ચર્યજનક ગણાવી છે. તેમનું કહેવુ છે કે જ્યારે તેમણે પહેલી વખત આ ટેકનિક અંગે સાંભળ્યું તો તેમને ખૂબ આનંદ થયો. જેના પરથી અંદાજ લગાવી શકાય છે કે તેનાથી તેમનું કામ કેટલુ સરળ થઇ જશે.