એક યુવતી-3 યુવક સહિત 4ના મોત, 2 લોકો ગંભીર રીતે ઇજાગ્રસ્ત
હરિયાણાના ગુરુગ્રામ જિલ્લામાં મોડીરાત્રે એક દર્દનાક અકસ્માતની ઘટના સામે આવી છે. હરિયાણાના ગુરુગ્રામ જિલ્લામાં એક ભયાનક માર્ગ અકસ્માતમાં એક છોકરી સહિત ચાર લોકોના મોત થયા છે, જ્યારે બે ગંભીર રીતે ઘાયલ થયા છે. ઉદયપુરથી પરત ફરી રહેલા ઈનોવા સવાર યુવક-યુવતીઓ પર ઝડપભેર ટ્રક પલટી મારી ગઈ હતી. આ દર્દનાક અકસ્માતમાં એક છોકરી અને ત્રણ છોકરાઓનું ઘટનાસ્થળે જ મોત થયું હતું. આ સાથે એક છોકરી અને એક છોકરાને ગંભીર હાલતમાં ખાનગી હોસ્પિટલમાં દાખલ કરવામાં આવ્યા છે.
હરિયાણાના ગુરુગ્રામ જિલ્લાના બિલાસપુર પોલીસ સ્ટેશન વિસ્તારમાં મોડી રાત્રે લગભગ 1.40 વાગ્યે અકસ્માતની ઘટના બની હતી. જેમાં ઉદયપુરથી પરત ફરી રહેલા ઈનોવા સવાર યુવક-યુવતીઓ પર ઝડપભેર ટ્રક પલટી મારી ગઈ હતી. જોકે અકસ્માત એટલો બધો ભયંકર હતો કે, એક યુવતી અને 3 યુવકનું ઘટના સ્થળે જ પ્રાણપંખેરુ ઊડી ગયું હતું. આ તરફ ગુરુગ્રામ પોલીસે ચારેયના મૃતદેહને કબજામાં લઈને મામલાની તપાસ શરૂ કરી છે.
Gurugram, Haryana | Four people died, 2 critically injured after a truck rammed into their car on Delhi-Jaipur highway last night under Bilaspur PS area. The deceased were residents of Delhi. Gurugram Police took the bodies into their custody, investigation on: Gurugram Police
અકસ્માતની જાણ થતાં જ પોલીસે કારમાં ફસાયેલા લોકોને બચાવવા માટે તમામ પ્રયાસો કર્યા હતા. પરંતુ ત્યાં સુધીમાં તેમાં એક છોકરી અને 3 છોકરાઓનું ઘટનાસ્થળે જ મોત થઈ ચૂક્યું હતું. જ્યારે આ અકસ્માતમાં એક છોકરો અને એક છોકરી ગંભીર રીતે ઘાયલ થયા હતા, તેમને નજીકની ખાનગી હોસ્પિટલમાં દાખલ કરવામાં આવ્યા હતા. પોલીસને તપાસમાં જાણવા મળ્યું છે કે, ઇનોવા પર સવાર યુવક-યુવતીઓ રાજસ્થાનના પ્રવાસન શહેર ઉદયપુરથી પરત ફરી રહ્યા હતા. જોકે સંભાવના છે કે, તમામ લોકો 15 ઓગસ્ટની રજાના દિવસે ફરવા ગયા હતા અને ઘરે પરત ફરતી વખતે આ દર્દનાક અકસ્માત સર્જાયો હતો. જેને લઈ હવે પોલીસે ચારેયની લાશોનો કબજો લઇ કેસની તપાસ શરૂ કરી છે.