લોટરી / નસીબ તો આને કહેવાય! પોતાની એક 'ભૂલ'ને કારણે માલામાલ થયો શખ્સ, મળ્યા 5.5 કરોડ રોકડા

• સ્કોટી થોમસે ભૂલથી એક જ લોટરીની બે ટિકિટ ખરીદી
• બન્ને ટિકિટમાં લોટરી લાગી
• મળ્યાં 5.5 કરોડ રોકડા 

એક સાથે ખરીદેલી બે લોટરી ટિકિટે રાતોરાત અમેરિકાને એક શખ્સને કરોડપતિ બનાવ્યો. હકીકતમાં, તે વ્યક્તિએ ભૂલથી એક જ લોટરીમાંથી બે ટિકિટ ખરીદી હતી. પરંતુ તે એટલો નસીબદાર નીકળ્યો કે તેની બંને લોટરી ટિકિટ લાગી ગઈ હતી. 

ઈનામમાં  5.5 કરોડ રૂપિયા જીત્યા 

અમેરિકાના નોર્થ કેરોલિના રાજ્યમાં રહેતા સ્કોટી થોમસે બંને લોટરી લાગી હતી અને તેને ઈનામમાં  5.5 કરોડ રૂપિયા જીત્યા છે. થોમસે કહ્યું કે એક દિવસ તે ઘરે હતો, તેથી તેણે ટાઇમ પાસ માટે લોટરી ફોર લાઇફની ટિકિટ ખરીદવાની યોજના બનાવી હતી. પછી તેઓએ લોટરી ટિકિટ માટે ઓનલાઇન વિગતો ભરવાનું શરૂ કર્યું.

ભૂલથી લોટરીની બે ટિકિટ ખરીદી 

થોમસે કહ્યું, "મને ખરેખર ખબર નહોતી કે મેં ક્યારે બે વાર વિગતો ભરી અને એકને બદલે બે ટિકિટ ખરીદી. મને લાગ્યું કે મેં તે જ લોટરી ટિકિટ ખરીદી છે. પરંતુ બીજા દિવસે મારા પુત્રએ મને કહ્યું કે એક જ લોટરીની ૨ જુદી જુદી રકમ શા માટે સૂચિબદ્ધ છે. ત્યારે મને ખબર પડી કે મેં ભૂલથી આ જ લોટરીની 2 ટિકિટ ખરીદી લીધી છે. તેમણે કહ્યું કે, તે સમયે હું થોડો નિરાશ થયો હતો કે મેં બે ટિકિટ કેમ ખરીદી.

'જ્યારે તેણે સમાચાર સાંભળ્યા કે તેને બન્ને લોટરી લાગી છે ત્યારે તેની ખુશીનો પાર રહ્યો નહોતો.  થોમસે કહ્યું, "મને સમાચાર મળતાં જ હું થોડા સમય માટે જમીન પર સૂઈ ગયો. કારણ કે મને લાગતું ન હતું કે તે ચમત્કારથી ઓછું છે. હવે મને ખૂબ આનંદ થાય છે કે આ ભૂલથી મને નુકસાન થયું છે તેના કરતાં થોડો વધારે ફાયદો થયો છે.