શોધ / એમેઝોનના જંગલમાંથી મળેલી ઇલ માછલી 860 વોલ્ટનો ઝટકો આપે છે

• વીજ કરંટ આપતી માછલી
• ઇલ માછલીને ઇ-વોલ્ટાઇ તરીકે ઓળખવામાં આવે છે 

વિજ્ઞાનીઓએ તેના પર અનેક રિસર્ચ કર્યા છે અને તે બાયોઇલેકટ્રિસિટી જનરેટર તરીકે ઓળખાય છે.એવું કહેવાય છે કે બેટરીની શોધની પ્રેરણા વિજ્ઞાનીઓને ઇલ માછલી પરથી મળી હતી. આમ તો દનિયાભરમાં થોડો ઘણો વીજળીનો કરન્ટ પેદા કરી શકતા ઘણા જીવ છે. જોકે તેમાં ઇલ સૌથી પાવરફુલ ઇલેકટ્રિક શોક આપી શકે છે.સંશોધકોએ નવી જોવા મળેલી ઇલને ઇ-વોલ્ટાઇ નામ આપ્યું છે. 

આ ઇલ અત્યાર સુધી મળેલી તમામ પ્રકારની ઇલ કરતાં વધુ 860 વોલ્ટનો જબરદસ્ત કરન્ટ આપી શકે છે.સંશોધકોના મતે આ ઇલે હજારો વર્ષની ઉત્ક્રાંતિના પગલે શિકાર કરવા,દુશ્મનથી બચવા અને નેવિગેશન માટે આ ક્ષમતા વિકસાવી છે.પૃથ્વી પરના તમામ જીવ પોતાના અસ્તિત્વને ટકાવી રાખવા પરિસ્થિતિ સાથે અનુકુલન સાધે છે.આ પ્રક્રિયામાં તેમના શરીર અને અંગોની રચના તેમજ જીન્સમાં પણ ફેરફાર થાય છે. 

જે જીવ તેમ કરવામાં નિષ્ફળ જાય છે તેનું ભાવિ ખતરામાં મુકાય છે.એમેઝોનમાં અલગ અલગ પ્રકારની ઇલ જોવા મળે છે.તે તમામની કરન્ટ પેદા કરવાની ક્ષમતા અલગ છે.અત્યાર સુધી ઇલનો સૌથી વધુ વીજળીનો ઝટકો 650 વોલ્ટનો નોંધાયો છે.  

ઇલના શરીરમાં કરન્ટ પેદા કરતા મિકેનિઝમના આધારે હાઇડ્રોજેલ બેટરી બનાવવામાં આવી છે.જેનો ઉપયોગ પેસમેકર સહિતના શરીરમાં વિવિધ અંગોના ફંકશનને યોગ્ય રીતે ચાલવામાં મદદ કરતા ડિવાઇસ.