દુનિયામાં કોરોનાની નવી લહેર શરુ થઈ હોવાનું લાગી રહ્યું છે.
દુનિયામાં કોરોનાનો વધ્યો ખતરો
સાઉથ કોરિયામાં 3 દિવસમાં કોરોનાના 14 લાખ કેસ
ચીનમાં પણ 14 મહિના બાદ કોરોનાથી બેના મોત
દક્ષિણ-પૂર્વ એશિયામાં કોરોનાની નવી લહેર ભયાનક ગતિએ આગળ વધી રહી છે. સાઉથ કોરિયામાં 3 દિવસમાં કોરોનાના 14 લાખ કેસ નોંધતા ફફડાટ વ્યાપ્યો છે. ચીનમાં 14 મહિના પછી કોરોનાએ બે લોકોના મોત નિપજ્યા છે. હોંગકોંગમાં કુલ કેસ 10 લાખને વટાવી ગયા છે, જેમાંથી 97% કેસ ગયા ફેબ્રુઆરી પછી કોરોનાના તાજેતરના મોજામાં નોંધાયા છે. ત્યાં વાયરસે અત્યાર સુધીમાં 5,401 લોકોના જીવ લીધા છે, જે 2019 માં ચીનમાં ચેપ ફાટી નીકળ્યા પછીના મૃત્યુ (4,636) કરતા વધુ છે.
સાઉથ કોરિયામાં 3 દિવસમાં કોરોનાના 14 લાખ કેસ
સાઉથ કોરિયામાં કોરોનાથી સ્થિતિ ભયાનક બની છે. છેલ્લા 3 દિવસમાં કોરોનાના 14 લાખ કેસ નોંધાતા ફફફાટ વ્યાપ્યો છે.
યુરોપ, ફ્રાન્સ, ઇંગ્લેન્ડ અને ઇટાલીમાં કોરોના કેસમાં 30 ટકાનો વધારો
યુરોપ, ફ્રાન્સ, ઇંગ્લેન્ડ અને ઇટાલીમાં એક અઠવાડિયામાં કેસોમાં 30% થી વધુનો વધારો જોવા મળ્યો છે. ગયા સપ્તાહની સરખામણીએ વિશ્વભરમાં દરરોજના કોરોના કેસમાં 12%નો વધારો થયો છે. વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) એ કહ્યું કે કોરોનાના આંકડામાં આ ઉછાળો 'આઈસબર્ગની ટોચ' છે એટલે કે રોગચાળો જેટલો મોટો દેખાય છે, તેટલું જ વધુ ભયાનક ચિત્ર છે. રોગચાળો આટલો જલ્દી ખતમ થવાનો નથી. આપણે અત્યારે રોગચાળાની વચ્ચે છીએ.
WHO એ નવી લહેર પાછળ 3 કારણો જવાબદાર ગણાવ્યાં
(1) ઓમિક્રોનના BA.2 સબ-વેરિઅન્ટ
(2) ઓમિક્રોન પર ભ્રમ
સૌથી મોટી ગેરસમજ એ છે કે 'ઓમિક્રોન હલકો છે'. આ છેલ્લું વેરિઅન્ટ છે એવી ધારણા પણ ખોટી છે. ધ્યાનમાં રાખો કે રોગચાળો સમાપ્ત થયો નથી. વધુ લોકો કોરોનાની ઝપેટમાં આવી રહ્યા છે, જેમને સંપૂર્ણ રસી આપવામાં આવી નથી. (3) નિયમોની અવગણના
કેસો ઘટતા સરકારે કોરોના પ્રતિબંધો હટાવવાનું શરુ કર્યું જે સરવાળે ભારે પડી શકે છે.
ભારતમાં પણ ચોથી લહેરની આશંકા
દેશમાં 27 માર્ચથી આંતરરાષ્ટ્રીય ફ્લાઈટ્સ ફરી શરૂ થવા જઈ રહી છે. આ જોતાં ભારતમાં પણ ચોથી લહેર આવવાની શક્યતા છે. પરંતુ નિષ્ણાતો કહે છે કે ડિસેમ્બર 2021 અને આ વર્ષે ફેબ્રુઆરી વચ્ચેના ત્રીજા તરંગમાં મોટાભાગના લોકોને વાયરસ સામે રોગપ્રતિકારક શક્તિ મળી છે. મોટી વસ્તીને રસી આપવામાં આવી છે. આવી સ્થિતિમાં ચોથી લહેર ખૂબ જ ખતરનાક બનવાની શક્યતા ઓછી છે. પરંતુ કોરોનાથી બચવા માટે સાવચેતી રાખવાનું ચાલુ રાખો.