BIG NEWS / દેશમાં ફેલાયો કોરોનાનો નવો વેરિયન્ટ, 6 રાજ્યોમાં મળ્યાં 76 કેસ, નિષ્ણાંતોએ આપી ગંભીર ચેતવણી

• રાજ્યોમાં કોરોનાના વધતા કેસથી ચિંતા
• XBB.1.16 નામના વેરિયન્ટનેં લઈ તંત્ર થયું દોડતું
• 6 રાજ્યોમાંથી 76 કેસ મળ્યા

દેશમાં જાણે કોરોનાની નવી લહેરના ભણકારા વાગી રહ્યા હોય તેમ અનેક રાજ્યોમાં કોરોના વાયરસના કેસમાં ચિંતાજનક રીતે ઉછાળો આવી રહ્યો છે. વધતા જતા કોરોનાના આ કેસ પાછળ નવો વેરિએન્ટ XBB.1.16 જવાબદાર હોવાનું માનવામાં આવી રહ્યું છે. આ મામલે ઇણસકોગના  ડેટા અનુસાર વેરિયન્ટના કુલ 76 જેટલા કેસ મળી આવતા તંત્ર દોડતું થયું છે અને દેશમાં પણ તાજેતરમાં વધતા જતા કોરોના પાછળ જવાબદાર હોવાનું માની શકાય છે. આ વેરિએન્ટના કર્ણાટકમાં 30 કેસ નોંધાયા છે. તો મહારાષ્ટ્રમાં 29 કેસ અને પાંચ કેસ પંડુચેરીમાં તથા પાંચ કેસ દિલ્હીમાં જોવા છે.

માર્ચ મહિનામાં પણ 15 કેસ જોવા મળ્યા

આ ઉપરાંત ગુજરાત અને તેલંગાણામાં પણ એક એક સામે આવ્યા છે અને હિમાચલ પ્રદેશ તથા ઓડિશામાં પણ કેસ જોવા મળી રહ્યા છે. SARS COV2 જેનોમિક્સ કન્સોર્તિયમના ડેટા અનુસાર XBB.1.16 નો પ્રથમ કેસ જાન્યુઆરીમાં સામે આવ્યો હતો જેમાં બે સ્મેપલના પરીક્ષણ દરમિયાન આ વેરિયન્ટ એ દેખા દીધી હતી. ત્યારબાદ ફેબ્રુઆરી માસમાં 59 સેમ્પલમાં આવેલી અને પોઝિટિવ આવ્યો હતો અને હવે માર્ચ મહિનામાં પણ 15 કેસ જોવા મળતા આરોગ્યતંત્ર સતર્ક બન્યું છે. 

નિષ્ણાતોએ આપી આ સલાહ

બીજી બાજુ નિષ્ણાતોના મત પ્રમાણે કોરોના કેસોમાં થઈ રહેલા વધારા પાછળ પણ આ વેરિયન્ટ જ જવાબદાર મનાઈ રહ્યો છે.  આ ચેપથી બચવા નિષ્ણાતોએ પણ લોકોને સતર્ક રહેવા અનુરોધ કર્યો છે. એઇમ્સના ભૂતપૂર્વ ડાયરેક્ટર ડોક્ટર રણદીપ ગુલેરીયાએ કહ્યું કે કોરોના કેસમાં વધારો XBB.1.16 નો વેરિએન્ટને કારણે અને h3n2 ના પગલે ઈનફ્યુએન્ઝાના કેસમાં વધારો થઈ રહ્યો છે. આ બંને વાયરસ સામે રક્ષણ મેળવવા માટે માસ્ક, સોશિયલ ડિસ્ટન્સ સહિતના કોરોનાના નિયમોનું પાલન કરવાથી ચેપને રોગ ફેલાતો અટકાવી શકાય છે. બીજી તરફ અત્યાર સુધી મળેલા જે પણ કેસો છે તે ગંભીર ન હોવાથી લોકોને ગભરાવાની જરૂર ન હોવાનું પણ નિષ્ણાતોએ જણાવ્યું છે.