અમદાવાદ / ખાનગી શાળાઓના ફતવા ક્યારે ઓછા થશે? ફી ભરવા માટેનાં આ નવા નાટકથી વાલીઓને હજારોનું નુકસાન

• અમદાવાદ ઇન્ટરનેશનલ સ્કૂલની મનમાની સામે વાલીઓ લાચાર
• સ્કૂલ વાલીઓને ઓનલાઈન ફી જમા કરાવવા ચોક્કસ APP નક્કી કરી
• APPથી દરેક વાલીએ ફી ઉપરાંત 4000 વધુ ચાર્જ ચુકવવો પડે છે

શાળાના ફતવા સામે પેરેન્ટ્સ એકતા મંચે વિરોધ નોંધાવ્યો

અમદાવાદ ઇન્ટરનેશનલ સ્કૂલ દ્વારા નવો ફતવો જાહેર કરવામાં આવ્યો છે. શાળા દ્વારા ચોક્કસ ગેટવે દ્વારા ફીનું ઓનલાઇન પેમેન્ટ કરવા માટેનો આગ્રહ રાખવામાં આવ્યો છે. આ આગ્રહથી વાલીઓને નુકસાન થઇ રહ્યું હોવાનું સામે આવ્યું છે. વાલીઓ જ્યારે પેમેન્ટ કરે છે ત્યારે તેમને 3 થી 4 હજાર રૂપિયા વધુ ચુકવવા પડી રહ્યા છે.

નક્કી કરેલી એપથી ફી પેમેન્ટ કરવામાં થાય છે નુકશાન

શાળાની ફી 1 લાખથી લઇ 1લાખ 75 હજાર જેટલી છે. ગેટ વે દ્વારા પેમેન્ટથી વધુ નાણાં ચૂકવવા પડતા વાલીઓમાં રોષ જોવા મળી રહ્યો છે. પેરેન્ટ્સ એકતા મંચ દ્વારા વિરોધ દર્શવવામાં આવ્યો છે પેરેન્ટ્સ એકતા મંચ દ્વારા શાળાને ફી સાથે મતલબ હોવો જોઇએ એ પછી કેશમાં આવે કે ચેકથી આવે. 

Vtvના સળગતા સવાલો

- શાળાની જ એપથી પેમેન્ટ કરવું એ વળી કેવો આદેશ?
- શાળાની એપથી જે પેમેન્ટ કરવામાં વધારાનો ચાર્જ શા માટે ચુકવવો?
- અન્ય ઓનલાઈન પેમેન્ટ એપ છે તો તેની વ્યવસ્થા કેમ નહીં?
- અમદાવાદ ઈન્ટરનેશનલ સ્કૂલની આવી મનમાની કયાં સુધી ચલાવી લેવી?
- FRC અને DEO આ મુદ્દે કેમ મૌન છે?
- શિક્ષણમંત્રીને લેખિત ફરિયાદ થઈ છતા કોઈ કાર્યવાહી કેમ નહીં?
- AISને કોઈ પેમેન્ટ એપને પ્રમોટ કરવાનો ઈરાદો છે?
- AIS 2 લાખ રૂપિયા રોકડા પણ લે છે તેનો કોઈ હિસાબ-કિતાબ છે?
- આવી બેફામ શાળાઓ સામે દાખલારૂપ કાર્યવાહી થશે?