મહેસાણાના ઉનાવામાં વનરક્ષક પેપર કાંડામાં નવો ખુલાસો સામે આવ્યો છે.જેમાં વર્ગખંડમાં સુપરવિઝન કરનાર સરકારી કર્મી જ નથી
ઉનાવામાં પેપર કાંડમાં નવો ખુલાસો
સુપરવિઝન કરનાર સરકારી કર્મી જ નથી
અલ્પેશ પટેલ નામના વ્યક્તિએ કર્યું સુપર
મહેસાણાના ઉનાવામાં પેપર કાંડમાં નવો ખુલાસો
મહેસાણાના ઉનાવામાં વન પેપર કાંડમાં નવો ખુલાસો થયો છે. વર્ગખંડમાં સુપરવિઝન કરનાર સરકારી કર્મી જ નથી.અલ્પેશ પટેલ નામના ખાનગી વ્યક્તિએ સુપરવિઝન કર્યું હોવાનું સામે આવ્યું છે.પેપરકાંડમાં રિમાન્ડ દરમિયાન મામલો સામે આવ્યો છે.સંસ્થાના લેટરપેડ બાદ ખાનગી સુપરવાઇઝર સામે આવ્યો છે.
નવા ખુલાસાથી સ્કૂલ સંચાલકો સામે ગાળિયો કસાયો
આ ખુલાસા બાદ મીરા દાતાર સર્વોદય વિદ્યાલય પણ શંકાના દાયરામાં આવી ગઇ છે.અલ્પેશ પટેલને સુપરવિઝનમાં કોણે મુક્યો એ મોટો સવાલ.આ અંગે શિક્ષણ વિભાગને જાણ કરવામાં આવી છે. આ ખુલાસા બાદ પેપર કાંડમાં વધુ 4 કલમો 447, 119, 118 અને 408નો ઉમેરો થયો છે. બીજી તરફ નવા ખુલાસાથી સ્કૂલ સંચાલકો સામે ગાળિયો કસાયો છે.
પાલીતાણામાંથી પેપર લીકના આક્ષેપના મામલે પોલીસને કોઇ તથ્ય ન મળ્યું
બીજી તરફ ભાવનગરના પાલીતાણામાંથી વનરક્ષક પરીક્ષાના પેપર લીકના આક્ષેપ થયા છે.જે મામલે પોલીસને કોઇ તથ્ય ન મળતા કોપી કેસ નોંધ્યો છે. મહત્વનું છે કે, માત્ર તપાસના અંતે 3 શખ્સો સામે કોપી કેસનો ગુનો દાખલ કર્યો છે. જ્ઞાનગુરૂ શાળામાંથી ઉમેદવારે પેપરના ફોટા પાડ્યા હતા.અને યુવા કેરિયર એકેડમીના સંચાલકને મોકલ્યા હતા. ત્યારે અહીં સવાલ ઉભો થાય છે કે, પરીક્ષા કેન્દ્રમાં મોબાઈલ લઈ જવા પર પ્રતિબંધ હોય છે. તો પછી ઉમેદવાર મોબાઈલ અંદર કેવી રીતે લઇ ગયો. મહત્વનું છે કે, પોલીસ અને વન વિભાગના અધિકારીઓ કેન્દ્ર પર ચેકિંગમાં હતા તેમ છતાં ઉમેદવાર મોબાઈલ અંદર લઈ ગયો હતો