જોખમ વધ્યું / રાજકોટમાં કોરોનાના એવા કેસ આવ્યા કે ચિંતા વધી, નવી પૅટર્ન જોવા મળતાં તંત્ર દોડતું થયું

• કોરોનાની નવી પેટર્ન દેખાઈ
• ઘરના તમામ લોકોને કોરોના
• કોરોનાના કેસ વધતા ચિંતા વધી

રાજકોટમાં કોરોનાની નવી પેટર્ન જોવા મળી છે. એક સાથે આખું ફેમિલી પોઝિટિવ થયાના કેસ સતત વધી રહ્યા છે. રાજકોટમાં એક સાથે આખા ઘરમાં કોરોનાના 30થી વધુ કેસ છે. જેમાં ફેમિલી મેમ્બરો કોરોનાની ઝપેટમાં આવી જાય છે. કોરોનાની નવી ફેમિલી બન્ચિંગ પેટર્નથી લોકોમાં ભય વધી રહ્યા છે. રાજકોટમાં યાજ્ઞિક રોડ, રિંગ રોડની પેટર્ન જોવા મળી રહી છે.હાલ આ પ્રકારના કેસ વધવાના કારણે તંત્રની ચિંતામાં વધારો થયો છે.

હરકતમાં આવ્યું રાજકોટનું તંત્ર

રાજકોટમાં કોરોનાને લઈને તંત્ર હરકતમાં આવી ગયું છે. શહેરમાં 68 જગ્યાઓ પર વેક્સિનેશનની કામગીરી શરૂ કરી દેવામાં આવી છે. મહત્વપૂર્ણ છે કે સરકારી કર્મચારીઓ માટે પણ વેક્સિનેશન કેમ્પની શરૂઆત કરવામાં આવી છે. આ કેમ્પમાં 45 વર્ષથી વધુ વયના લોકોને પણ વેક્સિન આપવામાં આવશે.

રાજકોટના સ્મશાનગૃહમાં અગ્નીદાહના આંકડા વધ્યા

રાજકોટમાં સબ સલામતના દાવા વચ્ચે ચોંકાવનારા આંકડા સામે આવ્યા છે. રાજકોટમાં કોરાનાથી મૃત્યુદરમાં વધારો થઈ રહ્યો હોય તેવુ લાગી રહ્યું છે. રાજકોટમાં 7 દિવસમાં કોરોનાના 40 દર્દીના મૃત્યુ થયા છે. શહેરના 3 સ્મશાનગૃહમાં 5 દિવસથી આંકડા વધી રહ્યાં છે.  બાપુનગર સ્મશાનગૃહમાં 2 દિવસમાં 9, મોટા મૌવા સ્મશાનગૃહમાં 5,રામનાથ પરા સ્મશાનગૃહમાં 7 દિવસમાં 12 અંતિમ સંસ્કાર કરાયા છે.

વેક્સિનેશનની કામગીરી ઝડપી બનાવવા ફ્લાઈટનો ઉપયોગ

આજે રાજકોટમાં કોરોનાની વેક્સિનનો જથ્થો આવશે. મુંબઈથી ફલાઈટ મારફતે વેક્સિનનો જથ્થો રાજકોટ ખાતે પહોંચશે. આજે રાજકોટને કોરોનાની રસીના 2.21 લાખ ડોઝ મળશે. રાજકોટથી સૌરાષ્ટ્ર-કચ્છના વિવિધ જિલ્લાઓમાં રસીનો જથ્થો મોકલાશે. 1 એપ્રિલથી વ્યાપક પ્રમાણમાં વેક્સિનેશન હાથ ધરાશે.