તમારા કામનું / WhatsApp નોટિફિકેશનથી છો પરેશાન? તો આવી રીતે મળશે છૂટકારો, નવું ફીચર લોન્ચ

• વોટ્સએપે વિન્ડોઝ બીટાનું નવું ફિચર
• ઇનકમિંગ કોલનું નોટિફિકેશન બંધ કરવાનું ફિચર
• કૉલ સૂચનાઓની પરેશાની થશે દૂર

ઇન્સ્ટન્ટ મેસેજિંગ એપ WhatsApp એ એક નવું ફીચર બહાર પાડ્યું છે. આ ફિચર્સ દ્વારા વપરાશકર્તાઓ વિન્ડોઝ બીટા પર કૉલ સૂચનાઓને દૂર કરી શકશે. હાલમાં આ ફીચર બીટા ટેસ્ટર્સ માટે બહાર પાડવામાં આવ્યું છે. વપરાશકર્તાઓ માટે ખૂબ ફાયદાકારક સાબિત થશે જેઓ નથી ઈચ્છતા કે કોલ દરમિયાન નોટિફિકેશન આવે. લોકો કોલ કરવા માટે WhatsAppનો બહુ ઓછો ઉપયોગ કરે છે. એટલા માટે આવા યુઝર્સ કોલ નોટિફિકેશન બંધ રાખવાનું પસંદ કરે છે. વોટ્સએપ પર વારંવાર નોટિફિકેશન આવવાના કારણે યુઝર્સને ઘણી મુશ્કેલીનો સામનો કરવો પડે છે.

 કોલ નોટિફિકેશનને બંધ કરી શકશો
લેટેસ્ટ ફીચર કોલ નોટિફિકેશનને બંધ કરવામાં મદદરૂપ સાબિત થઈ શકશે. આ સૂચનાઓ ઘણીવાર ડુ નોટ ડિસ્ટર્બના મોડ પર પણ જોવા મળતી હોય છે. એટલા માટે યુઝર્સ નવા ફીચરથી નોટિફિકેશનને ડિસેબલ કરી શકશે. ઘણા લોકો કોલ એલર્ટના કારણે પરેશાન થઈ જતા હોય છે અને આ નોટિફિકેશનને કેવી રીતે બંધ કરવું તેની મુજવણમાં પડી જતા હોય છે. પરંતુ હવે એ ચિંતા કરવાની જરૂર નથી કારણ કે WhatsApp ઇનકમિંગ કોલના નોટિફિકેશનને ડિસેબલ કરવા માટે ફીચર બહાર પાડી રહ્યું છે.

WABetaInfoના રિપોર્ટ અનુસાર, વિન્ડોઝ 2.2250.4.0 અપડેટ લૉન્ચ થયા પછી વિન્ડોઝ પર કૉલ નોટિફિકેશન બંધ કરવાનું ફીચર બહાર પાડવામાં આવ્યું છે. વોટ્સએપ વિન્ડોનું બીટા અપડેટ માઇક્રોસોફ્ટ સ્ટોર પર ઉપલબ્ધ છે. આ ફીચર બીટા ટેસ્ટર્સ માટે શરૂ થયું છે.

 આ સુવિધા તમારા માટે ઉપલબ્ધ છે કે નહી?
 આ સુવિધા તમારા માટે ઉપલબ્ધ છે કે, નહી તે જાણવા માટે તે બાબતે તમને જણાવી દઈએ. વોટ્સએપ સેટિંગ્સમાં નોટિફિકેશનનો વિકલ્પ ખોલી જોવો. જો તમને આ ફીચર માટે ટૉગલ દેખાય છે, તો તમે આ ફીચરનો ઈનકમિંગ WhatsApp કોલની નોટિફિકેશને ડિસેબલ કરી શકો છો.

ઇનકમિંગ વોટ્સએપ કોલ નોટિફિકેશન
આ ફીચર એટલા માટે પણ ઉપયોગી છે કારણ કે ઘણી વખત ડુ નોટ ડિસ્ટર્બ મોડ ઓન હોવા છતાં ટેકનિકલ સમસ્યાઓના કારણે વોટ્સએપ કોલના નોટિફિકેશન સ્ક્રીન પર આવતા જ રહે છે. જો કે, હવે તમે આ સમસ્યાનો સમાધાન મળી શકશે.

ગયા મહિને ઇન્સ્ટન્ટ મેસેજિંગ પ્લેટફોર્મે વિન્ડોઝ બીટા પર કોન્ટેક્ટ કાર્ડ શેર કરવાનો વિકલ્પ પણ શરૂ કર્યો છે. આ ફીચરમાં યુઝર્સ સમાન ચેટ શેર શીટ પર કોન્ટેક્ટ કાર્ડ શેર કરી શકે છે. આ ઉપરાંત કંપનીએ નવી બીટા અપડેટમાં વિવિધ આકાર અને રંગોમાં હૃદયના વિવિધ શેપ અને એનિમેટેડ ઇમોજી રજૂ કર્યા  છે.