નવું સંકટ / ચીનમાં કોરોના કરતા ખતરનાક આ જીવલેણ વાયરસ માણસમાંથી માણસમાં ફેલાઈ રહ્યો છે, 7 લોકોનાં જીવ ગયા તો 67 ચેપગ્રસ્ત

• આ વાયરસ પશુઓ પર આવતા કીડાઓને કાપવાથી ફેલાય છે
• આ વાયરસથી 7 લોકોના મોત નિપજ્યા છે
•  67 લોકો આ વાયરસના સંક્રમિત મળ્યા છે

આ વાયરસ પશુઓ પર આવતા કીડાઓને કાપવાથી ફેલાય છે. આ કીડા જાનવરોનું લોહી પીને જીવતા રહે છે. ચીની મીડિયાના જણાવ્યાનુંસાર આ કીડા જલ્દી માણસોમાં ફેલાવાની શક્તિ મેળવી લેશે. આ માનવ જાત માટે મોટો ખતરો સાબિત થઈ શકે છે. આ એસએફટીએસ વાયરસ 67 ચીની લોકોમાં જોવા મળ્યો છે અને 6 અગસ્ટ સુધીમાં 7 લોકોના મોત પણ થયા છે.

ચીન વાયરસની ફેક્ટરી બની ગયુ છે. ચીનમાં સ્વાઈન ફ્લૂ ફેલાવનાર નવા વાયરસ પણ મળ્યા છે. જો કે આ મબધાની વચ્ચે ચીન ફેક ન્યૂઝ ફેલાવવામાં ઓતપ્રોત છે. જેના માધ્યમથી તે બીજા દેશોમાં ખતરનાક વાયરસ હોવાના દાવા કરી રહ્યું છે. ઉલ્લેખનીય છે કે થોડાક અઠવાડિયા પહેલા ચીને કઝાકિસ્તાનમાં કોરોના કરતા ખતરનાક વાયરસ હોવાનો દાવો કર્યો હતો. અંતે તે ખોટો સાબિત થતા ત્યાના લોકોએ તેનો સખત વિરોધ કર્યો હતો.