'બેટી નદી ઉપર નાનો ડેમ બનાવવા એરપોર્ટ ઓથોરિટી તરફથી NOC મળી, રિપોર્ટ બાદ સરકારની ફાઈનલ મંજૂરી પછી કામગીરી શરૂ થશે
રાજકોટ શહેર માટે બનશે નવો ડેમ
ડેમ મુદ્દે ધારાસભ્ય ગોવિંદ પટેલનુ નિવેદન
''બેટી નદી ઉપર નાનો ડેમ બની શકે છે''
રાજકોટમાં ઉનાળાની શરૂઆત થતાની સાથે જ પાણીની સમસ્યા જોવા મળે છે. અને આ કારણે રાજકોટે નર્મદા નીર પણ નિર્ભર રહેવું પડે છે. પરંતુ આ સમસ્યામાંથી આગામી વર્ષોમાં રાજકોટને રાહત મળવા જઈ રહી છે. કારણ કે, અમદાવાદ નેશનલ હાઈવે પર હીરાસર એરપોર્ટ પહેલા બેટી નદી પર ડેમ બનાવવા ધારાસભ્ય ગોવિંદ પટેલે કરેલી રજૂઆતને એરપોર્ટ ઓથોરિટીએ NOC આપી દેતા લીલીઝંડી મળી ગઈ છે.
રાજકોટને કેવી રીતે થશે ફાયદો? ક્યાં બનશે નવો મીની ડેમ?
જે મીની ડેમને લીલીઝંડી મળી છે. તે બ્રાહ્મણી અને બેટી નદીનો સ્ત્રાવ વિસ્તાર છે. આ ડેમ નેશનલ હાઈવે પર હીરાસર એરપોર્ટ પહેલા બનશે. અત્યાર સુધી એરપોર્ટ ઓથોરિટી સરકારે જગ્યા આપી નહોતી. જેથી NOC મળતી નહોતી. પરંતુ હવે સરકાર દ્વારા એરપોર્ટ ઓથોરિટીને જગ્યા આપી દીધી છે. જેના કારણે એરપોર્ટ ઓથોરિટીએ પણ મંજૂરી અને NOC આપી દીધી છે . જોકે હવે જે-તે વિભાગ દ્વારા સરકારમાં મંજૂરી માટે રિપોર્ટ મોકલાશે. અને આરિપોર્ટ મળ્યા બાદ ડેમ બનાવવાની કામગીરી આગળ વધી શકશે.
રાજકોટમાં કેમ સર્જાઈ છે પાણીની તંગી?
રાજકોટ અને આસરાસના વિસ્તારોમાં પાણી નહીં ટકાવા પાછળનું કારણ છે. તેની ભૌગોલીક સ્થિતિ. સૌરાષ્ટ્રનું ભૂતળ પથરાળ હોવાથી ગમે તેટલો વરસાદ પડે તો પણ આપણે પાણી રોકી શક્તા નથી. આથી બધું પાણી દરિયામાં જતું રહે છે. બીજી તરફ હવે સૌરાષ્ટ્રમાં કોઈ મોટા ડેમ બની શકે તેમ નથી. તેવામાં જ્યાં-જ્યાં નાના ડેમ બની શક્તા હોય તેવી જગ્યાએ પાણીનો સંગ્રહ કરવો જોઈએ. અને આવો નાનો ડેમ બેટી નદી પર બની શકે છે. જેનો લાભ રાજકોટ વાસીઓને થઈ ભરપૂર થઈ શકે છે. ત્યારે આશા રાખીએ કે, સરકાર પણ આ મીની ડેમને વહેલી તકે મંજૂરી આપશે.