વડોદરામાં પોલીસે મહામારીથી લોકોને સુરક્ષિત રાખવા નવતર અભિગમ અપનાવ્યો છે. પોલીસ લોકોની વચ્ચે જઈને જાગૃતીનું કામ કરી રહી છે.
વડોદરામાં પોલીસની વેપારીઓ અને લોકોને અપીલ
લોક સહકારથી જ હરાવી શકીશું કોરોના
માસ્ક-સોશિયલ ડિસ્ટન્સ-વેક્સીન જ છે ઈલાજ
કોરોના વાયરસના કારણે ગુજરાત પર હજુ પણ ખતરો છે. અને રોજબરોજ કેસમાં પણ વધારો થતો જાય છે. સરકાર પણ સંક્રમણને રોકવા માટે કર્ફ્યૂ અને દંડની કામગીરી કરી રહી છે. સાથે વેક્સિન માટે પણ લોકોને અપીલ કરી રહી છે. તો આ તમામ વચ્ચે વડોદરામાં પોલીસે મહામારીથી લોકોને સુરક્ષિત રાખવા નવતર અભિગમ અપનાવ્યો છે. પોલીસ લોકોની વચ્ચે જઈને જાગૃતીનું કામ કરી રહી છે. અને મહામારીને અટકાવવા સહકાર માગી રહી છે.
વડોદરાની બજારમાં પોલીસ લોકોને અપીલ કરી રહી છે. લોકોને માસ્ક ન પહેરવા બદલ દંડ નહીં પરંતુ સહકારની અપીલ કરી રહી છે. સૌ કોઈ કોરોના સામેની આ લડાઈમાં અમારો સાથ આપો...કારણ કે, જ્યાં સુધી લોકો તંત્ર સાથે આ બીમારી સામે લડશે નહીં. ત્યાં સુધી કોરોનાને અટકાવવો મુશ્કેલ છે.
વડોદરાના OSD વિનોદ રાવની ઓક્સિજન સપ્લાયર્સ સાથે બેઠક કરી છે. રાજ્યના ફૂડ એન્ડ ડ્રગ કમિશનર પણ વડોદરાની બેઠકમાં હાજર રહ્યાં હતાં. ભવિષ્યમાં ઓક્સિજનના સપ્લાય ન ઘટે તે અંગે ચર્ચા કરવામાં આવી છે. હોસ્પિટલ ઇન્સ્પેક્ષન અને ઓડિટ માટે ટીમ બનાવી છે. જેમાં 20 નિષાણાંત ડોકટરની ટીમ બનાવવામાં આવી છે. આજથી ખાનગી હોસ્પિટલમાં ચેકિંગ હાથ ધરાશે. બિનજરૂરી રીતે દર્દીઓને દાખલ કરેલ છે કે કેમ તે અંગે તપાસ કરાશે. કસૂરવાર હોસ્પિટલ સામે કાર્યવાહી કરાશે. ગઇકાલે નાયબ મુખ્યમંત્રી દ્વારા ટીમ બનાવવાની જાહેરાત કરવામાં આવી હતી.