સુરેન્દ્રનગર જિલ્લાને શર્મશાર કરતી એક ઘટના સામે આવી છે. જિલ્લાના જોરાવરનગર વિસ્તારમાં સગીરા સાથે પાડોશીએ દુષ્કર્મ આચરતા પીડિત મહિલાએ સ્થાનિક પોલીસ સ્ટેશનમાં ફરિયાદ નોંધાવી છે. પીડિતાની ફરિયાદને આધારે પોલીસે હાલ પોક્સો એક્ટ હેઠળ ગુનો નોંધી આ દિશામાં કાયદેસરની કાર્યવાહી શરૂ કરી છે.
આ ઘટના મામલે મળતી જાણકારી મુજબ સુરેન્દ્રનગર શહેરના જોરાવરનગર ખાતે એક સગીરા પર તેના જ પડોશીએ દુષ્કર્મ આચરતા હડકંપ મચી જવા પામ્યો હતો. જો કે આ મામલાની જાણ સગીરાએ નજીકના પોલીસ મથકે નોંધાવતા પોલીસે આરોપીને ઝડ઼પી લેવા માટે કાર્યવાહી આગળ વધારી હતી.
એક તરફ બેટી બચાવો અભિયાન ચાલી રહ્યા છે ત્યારે છાશવારે દુષ્કર્મની ઘટનાઓ પણ પ્રકાશમાં આવી રહી છે ત્યારે સત્તાધીશો દ્વારા આ મામલે કડક દંડની જોગવાઈ કરવામાં આવે અને આવી વિકૃત પ્રકારની હરકત કરતા લોકોને સજા કરવામાં આવે તેવી લોકમાંગ ઉઠવા પામી છે.