હિન્દુ દીકરીને બે મહિનાથી પરેશાન કરી રહ્યો હતો કાસિમ
યુવતીએ લગ્ન કરવાની ના પાડતા ઇસમે ગોળી મારી દીધી
દિલ્હીમાં એક મુસ્લિમ સમુદાયના યુવકે હિન્દુ યુવતીને ગોળી મારી હોવાની ઘટના સામે આવતા ચકચાર મચી ગઈ છે. પ્રાથમિક વિગતો મુજબ આ ઘટના દિલ્હીના નંદ નગરી વિસ્તારમાં બની છે મુસ્લિમ યુવકે હિન્દુ સમુદાયની યુવતીને ગોળી મારી દેવાનું કારણ માત્ર એ જ હતું કે, યુવતી ફોન પર અન્ય કોઈ સાથે વાત કરી રહી હતી. આ તરફ ઘટના બાદ ઘાયલ યુવતીને હોસ્પિટલમાં દાખલ કરવામાં આવતા તેની સારવાર ચાલી રહી છે. અહી નોંધનીય છે કે, પોલીસે ગોળી મારનાર કાસિમ નામના ઈસમની ધરપકડ કરી લીધી છે. આ સમગ્ર ઘટનાને લઈને તણાવને જોતા આ વિસ્તારમાં મોટી સંખ્યામાં પોલીસ દળો તૈનાત કરવામાં આવ્યા છે.
દિલ્હીના નંદ નગરી વિસ્તારમાં કાસિમ નામના મુસ્લિમ ઇસમે એક હિન્દુ યુવતીને ગોળી મારી દીધી હોવાનું ઘટના સામે આવી છે. આ સમગ્ર ઘટનામાં ઉત્તર-પૂર્વ જિલ્લાના ડીસીપી જોય તિર્કીનું નિવેદન સામે આવ્યું છે. તેમને જણાવ્યું હતું કે, સોમવારે સાંજે લગભગ 8.30 વાગે પોલીસને માહિતી મળી કે, કાસિમ નામના યુવકે 16 વર્ષની સગીર છોકરીને ગોળી મારી દીધી અને તે સ્થળ પરથી ભાગી ગયો.
જાણો કેવી રીતે બની ઘટના ?
પોલીસના જણાવ્યાનુસાર સગીર બાળકી ઘરે એકલી હતી, ત્યારે પડોશમાં રહેતા કાસિમે આવીને ગોળી ચલાવી જે યુવતીના ખભામાં વાગી હતી. આ પછી પાડોશી ઘાયલ છોકરીને હોસ્પિટલ લઈ ગયા, જ્યાં તેની હાલત હવે સ્થિર છે. વિગતો મુજબ કાસીમ મોબાઈલની દુકાનમાં કામ કરે છે. આરોપી કાસીમ તેના પરિવાર સાથે યુવતીની બાજુના ઘરમાં રહે છે.
શું કહેવું છે પાડોશીઓનું ?
આ સમગ્ર મામલે પાડોશીઓએ પોલીસને જણાવ્યું કે, બંને વચ્ચે અફેર હતું. બંને એકબીજાને ઓળખતા હતા. પરંતુ છોકરી કોઈ બીજા છોકરા સાથે વાત કરી રહી હતી એટલે કાસિમે છોકરીને ગોળી મારી દીધી. કાસિમ પણ ઘણા દિવસોથી યુવતીને ધમકાવી રહ્યો હતો. ગોળી વાગ્યા બાદ જ્યારે યુવતીને હોસ્પિટલ લઈ જવામાં આવી ત્યારે યુવતીએ જણાવ્યું કે. તેને કાસિમે ગોળી મારી હતી.
લગ્ન કરવાની ના પાડતા યુવકે ગોળી મારી
આ કેસમાં એવી પણ વાત સામે આવી છે કે, આ મુસ્લિમ યુવક કાસિમ યુવતીને બે મહિનાથી પરેશાન કરી રહ્યો હતો. આ સાથે યુવતીએ કાસિમ સાથે લગ્ન કરવાની ના પાડતા યુવકે ગોળી મારી દીધી હતી. જોકે હવે આ મામલે પોલીસ ટીમ ઘટનાની તપાસમાં લાગી ગઈ છે. આરોપી કાસિમની ધરપકડ બાદ તે શસ્ત્ર ક્યાંથી લાવ્યો તેની તપાસ કરવામાં આવી રહી છે. શું કાસિમ યુવતી પર ઇસ્લામ સ્વીકારવા માટે દબાણ કરી રહ્યો હતો? પોલીસ આ મામલે પણ તપાસ કરી રહી છે. જોકે પોલીસ અધિકારીએ જણાવ્યું કે, બાળકી હજુ પણ હોસ્પિટલમાં દાખલ છે. પોલીસ ટીમે કેટલીક માહિતી એકઠી કરી છે, તેની તબિયતમાં સુધારો થતાં જ તેની પાસેથી ઘટના અંગે વિગતવાર માહિતી લેવામાં આવશે.