રાજસ્થાનમાં પાંચ વર્ષની દીકરીની માં એવી એક મહિલા તેના બોયફ્રેન્ડ સાથે ભાગીને લિવ ઇન રિલેશનશીપમાં રહેતી હતી. જ્યારે તેનો પતિ ત્યાં આવી પહોંચ્યો તો તેના બોયફ્રેન્ડે પાંચમા માળેથી ઝંપલાવ્યું
જયપુરના પ્રતાપનગરની ઘટના
લિવ ઇનમાં બીજાની પત્ની સાથે રહેતો હતો
મહિલાના પતિને જોઈને પાંચમા માળેથી કૂદી ગયો
જયપુરના પ્રતાપનગર પોલીસ સ્ટેશન વિસ્તારમાં એક વિચિત્ર કિસ્સો સામે આવ્યો છે.
રાજસ્થાનમાં પાંચ વર્ષની દીકરીની માં એવી એક મહિલા તેના બોયફ્રેન્ડ સાથે ભાગીને લિવ ઇન રિલેશનશીપમાં રહેતી હતી. જ્યારે તેનો પતિ ત્યાં આવી પહોંચ્યો તો તેના બોયફ્રેન્ડે પાંચમા માળેથી ઝંપલાવ્યું હતું. લિવ-ઈન રિલેશનશિપમાં રહેત આ વ્યક્તિએ મહિલાના પતિને જોઈને એપાર્ટમેન્ટના પાંચમા માળેથી છલાંગ લગાવી દીધી હતી. તેનું સારવાર દરમિયાન મોત નિપજ્યું હતું. પોલીસે બુધવારે જણાવ્યું હતું કે ગંભીર રીતે ઘાયલ વ્યક્તિને રવિવારે મહિલા દ્વારા જયપુરની સવાઈ માનસિંહ હોસ્પિટલમાં દાખલ કરવામાં આવી હતી.
29 વર્ષીય મોહસીન ઉર્ફે આઝમ કૂદી ગયો
પોલીસના જણાવ્યા અનુસાર આ ઘટના રવિવારે મોડી રાત્રે બની હતી. સારવાર દરમિયાન સોમવારે તેનું મોત નીપજ્યું હતું. પોલીસ સ્ટેશન ઈન્ચાર્જ બલવીર સિંહે જણાવ્યું કે ઉત્તર પ્રદેશના કન્નૌજમાં રહેતો 29 વર્ષીય મોહસીન ઉર્ફે આઝમ એક એપાર્ટમેન્ટના પાંચમા માળે ભાડાના મકાનમાં એક મહિલા સાથે સહમતિથી સંબંધમાં રહેતો હતો.
પાંચ વર્ષની દીકરીની માં
પોલીસના જણાવ્યા અનુસાર, મહિલા તેના બોયફ્રેન્ડ મોહસીન સાથે બે વર્ષ પહેલા નૈનીતાલ છોડીને ચાલી ગઈ હતી અને તેના પતિને અને તેની પાંચ વર્ષની સગીર પુત્રી સાથે છોડી દીધી હતી. પતિ મહિલાને શોધી રહ્યો હતો. રવિવારે પતિ મહિલાના ઘરે પહોંચ્યો હતો. આ દરમિયાન તેનો મિત્ર તેને જોઈને પાંચમા માળેથી કૂદી ગયો હતો.