મુંબઇ: દેશના સૌથી ધનિક વ્યક્તિ મુકેશ અંબાણીની પુત્રી ઇશા અંબાણી લગ્ન બાદ ખૂબ બદલાઇ ગઇ છે. ઇશા અંબાણી અને આનંદ પીરામલના લગ્ન વર્ષ 2018ના સૌથી મોટા લગ્ન હતા. લગ્ન બાદ ઇશા અંબાણીએ પહેલો ફોટોશૂટ કરાવ્યું. આ ફોટોશૂટ ઇશા અંબાણીએ વોગ મેગેઝીન માટે કરાવ્યું છે. જેમાં તે ગ્લેમરસ લાગી રહી છે. આ ફોટોશૂટની સાથે સાથે ઇશા અંબાણીએ ઇન્ટરવ્યૂમાં પોતાના લગ્ન માટે પણ વાત કહી.
ઇશાએ જણાવ્યું કે મને લાગતું નથી કે મારી અથવા આનંદની લાઇફમાં કંઇ બદલાયું છે. આ સ્ટેજમાં અમારા બંને માટે કામ સૌથી પહેલા છે. અમારા પેરેન્ટ્સ પમ આ વાતને સમજે છે. નસીબદાર છું મેં જે પરિવારમાં જન્મ લીધો છે અને જે પરિવારમાં મારા લગ્ન થયા છે બંને જગ્યા દરેક સભ્ય કામનું મહત્વ સમજે છે.
ઇશા આગળ કહે છે કે હું લિંગના આધાર પર ભેદભાવની સખત વિરુદ્ધ છું. હું એવના માહોલમાં ઉછરી છું જ્યાં મને લાગે છે કે હું એ દરેક વસ્તુ કરી શકું છું જે મારો ભાઇ કરી શકે છે. ઇશા જણાવે છે કે મારું સપનું છે કે મુંબઇમાં એક મ્યૂઝિયમ બનાવું જ્યાં દુનિયાભરથી લોકો આવે. ઇશા અંબાણીએ પોતાની મેરેજ લાઇફની પણ રસપ્રદ વાતો જણાવી. ઇશાએ કહ્યું આનંદ એને હંમેશા હસાવે છે. આનંદની સેન્સ ઓફ હ્યૂમર જોરદાર છે. આનંદને ઇવેન્ટમાં સામેલ થવાની નફરત છે જ્યારે ઇશા સોશિયલ ઇલેન્ટ એન્જોય કરે છે. અમે અમારા લગ્નને એન્જોય કર્યા પરંતુ આનંદનો ફન કરવાનો આઇડિયા અલગ છે.
મારા પિતા લગ્નમાં સ્પીચ આપી રહ્યા હતા કે એમને આનંદને કેમ પસંદ કર્યો. તેઓ આનંદની 10 ક્વોલિટી ગણાવી રહ્યા હતા. આ સ્પીચ મજાકમસ્તીની હતી કારણ કે અંતમાં એમને કહ્યું કે આ 10 ક્વોલિટીઝ એમની પણ છે. એ સાચું છે કે આનંદ મને મારા પિતાની યાદ અપાવે છે.
ઇશાએ આગળ પિતા માટે જણાવતા કહ્યું કે તેઓ દિવસ રાત કામ કરે છે. જ્યારે અમને જરૂર પડે છે ત્યારે તેઓ અમારા માટે ઊભા રહે છે. મારા પેરેન્ટ્સને 7 વર્ષ બાદ આકાશ પેદા થયો અને અમે IVF બેબીઝ હતા.