OMG / કુદરતનો ચમત્કાર ! ક્યારેય મા ન બની શકનાર મહિલાએ આપ્યો આઠ બાળકોને જન્મ, વૈજ્ઞાનિકો-ડોક્ટરો હેરાન

• બ્રિટનની ચમત્કારી ઘટના
• 24 વર્ષની ઉંમરમાં બંધ થઈ ગયું માસિક
• ડોક્ટરે કહી દીધું હતું કે તે હવે ક્યારેય મા નહીં બની શકે
• પણ પછી થયો ચમત્કાર
• મહિલાએ આપ્યો 8 બાળકોને જન્મ
• 8 બાળકોના જન્મ વચ્ચે 2-3 વર્ષનું અંતર 

માનવ ગમે તેવો દાવો કરતો હોય પણ તેના દાવાનું કુદરત આગળ કોઈ વજૂદ નથી. કુદરત ધારે ત્યારે માનવીની ઈચ્છાને ચોપટ કરી શકે છે કે તેની અસંભવ ગણાતી ઈચ્છા પણ ક્યારેય પાર પાડી દેતી હોય છે. 

ડોક્ટરોએ કહ્યું ક્યારેય માતા નહીં બની શકે પણ થયો કુદરતી ચમત્કાર 

બ્રિટનના એક પ્રાંતમાં આવી એક કુદરતી ચમત્કારની ઘટના સામે આવી છે. વાત એવી છે કે બ્રિટનની રાજધાની લંડનમાં રહેતી મહિલા લીઆ વિલિયમ્સનું માસિક બંધ થઈ ગયું હતું અને ડોક્ટરોએ તેને સ્પસ્ટ શબ્દોમાં જણાવી દીધું કે તે હવે ભવિષ્યમાં ક્યારેય પણ માતા નહીં બની શકે કારણ કે તેના શરીરમાં હવે કોઈ સ્ત્રીબીજ બનતા નથી અને આને કારણે તે માતા નહીં બની શકે. ડોક્ટરની આ વાત સાંભળીને લીઆ આઘાત પામી હતી અને તે રડવા લાગી હતી પરંતુ તેણે હિંમત હારી નહોતી અને તેને આશા હતી કે એક દિવસ ચમત્કાર થશે અને ચમત્કાર થયો પણ ખરો. 

અચાનક માસિક શરુ થયું ગયું અને આપ્યો આઠ બાળકોને જન્મ 
લીઆમાં શરીરમાં અચાનક માસિક શરુ થયું હતું અને તેથી તે આનંદિત થઈ હતી અને ત્યાર બાદ તેણે વારાફરતી આઠ બાળકોને જન્મ આપ્યો હતો. 24 વર્ષથી ઉંમરથી 40 વર્ષ સુધીના સમયગાળામાં તેણે આઠ બાળકોને જન્મ આપ્યો હતો. લિયાનું માસિક ચક્ર 24 વર્ષની ઉંમરમાં જ બંધ થઈ ગયું હતું. હવે, લેહની ઉંમર 40 વર્ષ છે. પરંતુ, તમામ વિચિત્ર પરિસ્થિતિઓનો સામનો કર્યા પછી, તે 8 બાળકોની માતા બની ગઈ છે.

2007માં 49 વર્ષના નિક સાથે લગ્ન કર્યા
2007માં તેણે 49 વર્ષના નિક સાથે લગ્ન કર્યા હતા. આ પછી, પુત્ર એલેનોર થયો, એલેનોર હવે 15 વર્ષનો થઈ ગયો છે. આ પછી મહિલાએ એવિ (12), મોર્ગન (10), બેન (7), ફ્રેન્કી (6), વિની (4), એમી (2), એડિથ (4 મહિના)ને જન્મ આપ્યો હતો. લીહે કહ્યું કે તેણે ક્યારેય વિચાર્યું ન હતું કે તેને આટલા બધા બાળકો હશે, પરંતુ તેઓ એક પછી એક બનતા ગયા.

અતિશય ખાવાની બીમારીનો ભોગ બની હતી મહિલા
આ મહિલા અતિશય ખાવાની બીમારીનો ભોગ બની હતી અને ત્યારે ડોક્ટરોએ તેમને આંચકો આપતા સમાચાર આપ્યા હતા કે તે હવે માતા નહીં બની શકે પરંતુ ખરો ડોક્ટર તો કુદરત છે તેણે ડોક્ટરની આ વાતને ઉલટાવી નાખી અને મહિલાને એક નહીં આઠ આઠ બાળકોને જન્મ અપાવ્યાં. 

 વૈજ્ઞાનિકો અને ડોક્ટરો ભારે નવાઈ પામ્યા

આ ઘટના બાદ વૈજ્ઞાનિકો અને ડોક્ટરો માથુ ખંજવાળતા રહ્યાં છે. તેમની સમજમાં નથી આવતું કે આવું કેવી રીતે બની શકે. પહેલી વાત તો એ કે અચાનક માસિક શરુ થઈ જવું અને સ્ત્રી બીજ બનવા તથા એક નહીં અમુક સમયાંતરે બાળકોને જન્મ આપવા કેવી રીતે બની શકે. તેઓ આ એક ઘટનાને એક ચમત્કાર માની રહ્યાં છે.