અરેરાટી / વડોદરામાં કારને હંકારી રહ્યો હતો આધેડ, અચાનક હાર્ટ એટેક આવતા ઢળી પડ્યો, જુઓ પછી શું થયું

• વડોદરામાં કાર ડ્રાઇવિંગ કરતી વખતે આધેડને હાર્ટ એટેક આવ્યો
• આધેડને હોસ્પિટલમાં મૃત જાહેર કરાયા

હાર્ટ એટેકના વધતા જતા બનાવો વચ્ચે વડોદરા શહેરના માંજલપુર વિસ્તારમાં પણ હાર્ટ અટેકથી આધેડનું મોત નીપજ્યું હોવાનું સામે આવતા ચકચાર મચી જવા પામી છે. કારચાલક આધેડને ડ્રાઇવ કરતી વખતે હાર્ટ એટેક આવ્યો હતો. જેને લઇને સ્ટેરિંગ પરનો કાબુ ગુમાવી દેતા કારે રસ્તા પર ઉભેલા ચાર વાહનોને અડફેટ લીધા હતા. દરમિયાન કારચાલક બેભાન અવસ્થામાં મળી આવતા નજીકની હોસ્પિટલ ખાતે ખસેડવામાં આવ્યો હતો જ્યાં તેનું મોત નીપજ્યું હોવાનું ફરજ પરના તબીબે જાહેર કર્યું હતું.

ટૂંકી સારવાર કારગત ન નિવડતાં મોત
આ અંગેની વિગત એવી છે કે વડોદરાના વાઘોડિયા રોડ પર આવેલ ઉમા કોલોનીમાં રહેતા દીપકભાઈ ગોવિંદલાલ શાહ નામના 52 વર્ષીય આધેડ પોતાની i10 કાર લઈ અને પોતાની દીકરી સાથે તુલસીધામ ચાર રસ્તા તરફ જઈ રહ્યા હતા. આ વેળાએ દીપકભાઈ શાહને એકાએક હાર્ટ એટેક આવતા તેઓ બેભાન થઈ ગયા હતા કાર અન્ય કાર સાથે આથડાઈ હતી. ત્યારબાદ જાણ થતા તાત્કાલીક લોકોના ટોળે ટોળા ઉમટી પડ્યા હતા. જ્યા દીપકભાઈ શાહને 108 મારફતે બેભાન અવસ્થામાં ખાનગી હોસ્પિટલ ખાતે ખસેડવામાં આવ્યા હતા. પરંતુ ટૂંકી સારવાર કારગત ન નિવડતાં તેઓનું મોત નીપજ્યું હોવાનું ફરજ પરના તબીબે જાહેર કર્યો હતું. 

હાર્ટ એટેકને પગલે બેકાબુ કારે  બલેનો કાર, સ્કૂટર સહિત બે કારનો કડુસ્લો બોલાવી દીધો હતો.બીજી તરફ આમ આ મમલે માંજલપુર પોલીસે અકસ્માતે મોતનો ગુનો નોંધી કાર્યવાહી આગળ ધપાવી છે.