વડોદરા શહેર ભાજપની આજે મુખ્યમંત્રી સાથે બેઠક યોજાશે જેમા વિકાસના કામોને લઈને ચર્ચા કરવામાં આવશે. ખાસ કરીને શહેરમાં મેડિકલ કોલેજ અને હોસ્પિટલ બનાવાની માગ કરવામાં આવશે
વડોદરા ભાજપની આજે મુખ્યમંત્રી સાથે યોજાશે બેઠક
વિકાસના કામોને લઈને કરવામાં આવશે ખાસ ચર્ચા
નવી હોસ્પિટલ અને મેડિકલ કોલેજ બનાવાની માગ કરાશે
ગાંધીનગરમાં આજે વડોદરા ભાજપની બેઠક યોજાવાની છે. મુખ્યમંત્રી ભૂપેન્દ્ર પટેલ સાથે વડોદરા ભાજપની બેઠક યોજાશે જેમા વિકાસના કામોને લઈને આજે રજૂઆત કરવામાં આવશે. અગાઉ પણ શહેરના વિકાસને લઈને રજૂઆત કરાઈ હતી. જેથી વડોદરા ભાજપની સીએમ સાથેની આ બેઠકને મહત્વની માનવામાં આવી રહી છે.
હોસ્પિટલ બનાવાની માગ કરવામાં આવશે
વડોદરા ભાજપ દ્વારા સૌથી પહેલા તો વેક્સિન ઈન્સ્ટિટ્યૂટમાં મેડિકલ કોલેજ બનાવાની માગ કરવામાં આવશે. સાથેજ ત્યા હોસ્પિટલ બનાવાની માગ પણ કરવામાં આવશે. આ સીવાય શહેરમાં સાવલી, હાલોલ, ડભોઈ, પોર અને પાદમાં મેટ્રો ટ્રેન દોડાવવાની માગ કરવામાં આવશે.
રિંગરોડ બનાવાની માગ કરવામાં આવશે
આ સીવાય પણ શહેર ફરતે 75 મીટર અને 90મીટરનો રિંગ રોડ બનાવાની ચર્ચા છેલ્લા કેટલાય સમયથી ચાલી રહી છે. જેથી તે રિંગરોડ બનાવવા બનવવા પણ આજે સીએમ સાથે ચર્ચા કરવામાં આવશે. આ ઉપરાંત વિકાસના કામો માટે પણ શહેરમાં એક કાયમી સિટી એન્જીનિયરની નિમણૂક કરવમાં આવશે.
નવું RTO બનાવામાં આવશે
ઉલ્લેખનીય છે કે વડોદરા ભાદપ દ્વારા આજે RTO કચેરી માટે પશ્ચિમ વિસ્તામાં જમીન ફાળવવાની પણ માંગ કરવામાં આવશે. સાથેજ ચાર ઝોનમાં લેન્ડફીલ સાઈડની પણ માંગ કરવામાં આવશે. મહત્વનું છે કે શહેર સંગઠન અને કોર્પોરેશન પદાધિકારીઓ વચ્ચે સંકલનના અભાવની ચર્ચા પણ આજે બેઠકમાં કરવામાં આવશે. ટૂંક સમયમાં વિધાનસભા ચૂંટણી આવી રહી છે. જેથી ભાજપ હવે પૂરજોશમાં તૈયારીમાં છે.