ઉચ્ચ સ્તરીય બેઠક / નીતિન ગડકરીએ ગાંધીનગરમાં કરી બેઠક: દિલ્હી-મુંબઈ એક્સપ્રેસવે, ધોલેરા સહિત અનેક પ્રોજેક્ટને લઈને કરાઇ સમીક્ષા

• નીતિન ગડકરીની અધ્યક્ષતામાં બેઠક
• ગાંધીનગરમાં યોજવામાં આવી બેઠક
• હાઈવે પ્રોજેક્ટ્સ પર કરવામાં આવી ચર્ચા

ગાંધીનગર ખાતે નીતિન ગડકરીની અધ્યક્ષતામાં ગુજરાતના નેશનલ હાઈવે પ્રોજેક્ટસની સમીક્ષા માટે ઉચ્ચ સ્તરીય બેઠક આયોજિત કરવામાં આવી. જેમાં મુખ્યમંત્રી ભૂપેન્દ્ર પટેલ, ભાજપના પ્રદેશ અધ્યક્ષ સી.આર પાટીલ, કેન્દ્રના સડક પરિવહન મંત્રાલયના અધિકારીઓ, નેશનલ હાઈવે ઓથોરિટીના સભ્યો, મુખ્યમંત્રીના સલાહકાર એસ.એસ. રાઠોર તથા રાજ્ય સરકારના ઉચ્ચ અધિકારીઓ હાજર રહ્યા હતા.

વિવિધ હાઈવે પ્રોજેક્ટ્સની કરાઈ ચર્ચા
ઉચ્ચ સ્તરીય બેઠકમાં રાજ્યના વિવિધ હાઈવે પ્રોજેક્ટ્સ પર ચર્ચા કરવામાં આવી હતી. આ ઉપરાંત આ બેઠકમાં અમદાવાદ ધોલેરા એક્સપ્રેસ-વે, દિલ્હી-મુંબઈ એક્સપ્રેસ-વેની સમીક્ષા કરવામાં આવી હતી. તો રાજ્યના અન્ય ફોરલેન હાઈવેની કામગીરીનો ચિતાર મેળવવામાં આવ્યો હતો.

કેન્દ્રીય સડક પરિવહન મંત્રી શ્રી નીતિન ગડકરીની અધ્યક્ષતામાં તથા મુખ્યમંત્રી શ્રી ભૂપેન્દ્ર પટેલ, સાંસદ શ્રી સી.આર.પાટીલ તથા સંબંધિત ઉચ્ચાધિકારીઓની ઉપસ્થિતિમાં આજે રાજ્યમાં કાર્યરત વિવિધ મહત્વાકાંક્ષી નેશનલ હાઇવે પ્રોજેક્ટ્સ બાબતે એક ઉચ્ચ સ્તરીય સમીક્ષા બેઠક યોજાઈ હતી. pic.twitter.com/BqlZDTUzwO

— CMO Gujarat (@CMOGuj) January 18, 2023

મહત્વકાંક્ષી પ્રોજેક્ટનો મેળવ્યો ચિતાર
નીતિન ગડકરીની અધ્યક્ષતામાં યોજાયેલી બેઠકમાં અમૃતસર-જામનગર એક્સપ્રેસ વે અને થરાદ-અમદાવાદ એક્સપ્રેસ વે, અમદાવાદ-શામળાજી સિક્સ લેન, ભાવનગર-સોમનાથ ફોરલેન, પાલનપુર-સામખીયાળી, મોરબી-સામખીયાળી ફોરલેન, ધરોઈ-અંબાજી ફોરલેનની કાર્ય પ્રગતિ ચિતાર મેળવ્યો હતો. 

નેશનલ હાઈવેના બાંધકામ અને સુધારણા માટે આટલા રૂપિયાનો થશે ખર્ચ
નેશનલ હાઈવેના વિકાસ અને સુધારણા માટે 81 કામો માટે ગુજરાતમાં છેલ્લા 8 વર્ષમાં વિવિધ હાઈવે પ્રોજેક્ટ માટે 52 હજાર 775 કરોડ રૂપિયા મંજૂર કરવામાં આવ્યા છે.  30 હજાર 908 કરોડ રૂપિયાના 1 હજાર 366 કિમીના 22 કામો આયોજનના તબક્કામાં છે. આમ ગુજરાતમાં નેશનલ હાઈવેના બાંધકામ અને સુધારણા માટે કુલ 1 લાખ 8 હજાર 690 કરોડ રૂપિયાનો ખર્ચ થશે.