આ ચૂંટણીમાં જીતી શકે તેવી મહિલાઓને વધારે ટિકિટ અપાશે: જેનીબેન ઠુમ્મર
ગુજરાતમાં વિધાનસભા ચૂંટણી જેમ જેમ નજીક આવી રહી છે તેમ તેમ રાજકીય પક્ષોમાં ટિકિટને લઈ ગોઠવણ વધતી જાય છે. ત્યારે આગામી ચૂંટણીને લઇ બનાસકાંઠામાં કોંગ્રેસની મહત્વની બેઠક યોજાઇ હતી. પ્રદેશ કોંગ્રેસ મહિલા અધ્યક્ષ જેનીબેન ઠુમ્મરની અધ્યક્ષતામાં ચૂંટણીની રણનીતિ અંગે ચર્ચાઓ થઈ હતી. જેમાં જેનીબેન ઠુમ્મરે મોટું નિવેદન આપતા કહ્યું કે આ ચૂંટણીમાં જીતી શકે તેવી મહિલાઓને વધારે ટિકિટ અપાશે. સક્ષમ મહિલા ઉમેદવારોને બનાસકાંઠાથી કોંગ્રેસ ચૂંટણીના જંગ મેદાનમાં ઉતારશે તેવી હામ ભરતા કહ્યું હતું કે ઘણી મહિલાઓ ચૂંટણી લડવાની તૈયારી બતાવી છે. ત્યારે કોંગ્રેસનું શીર્ષ નેતૃત્વ આ અંગેના સમીકરણો ચકાસી રહ્યું છે. ખાસ કરીને બનાસકાઠામાં વધુમાં વધુ મહિલાઓને કોંગ્રેસ ટિકિટ આપશે.
182 બેઠકો માટે 600 દાવેદારો, આંતરિક ડખાના પૂરેપૂરા એંધાણ
બંધ બાજી ઉઘાડતા જાય છે. AAPની એન્ટ્રીથી પ્રથમ વખત ગુજરાતમાં ભાજપ અને કોંગ્રેસનું રાજકિય સમીકરણ બગડયું છે. ત્યારે ગુજરાત કોંગ્રેસને વિધાનસભાની ચૂંટણી માટે 600 દાવેદારોએ ટિકિટ માટે દાવેદારી નોંધાવી છે. 182 બેઠકો માટે આ દાવેદારી રાફડા ફાટ્યા સમાન ગણાય પણ ચિંતાનો વિષય એ છે કે કચ્છ જેવા જિલ્લામાં 97 જેટલા ટિકિટ વાંછુકો ચૂંટણી લડવાની તૈયારી બતાવી રહ્યા છે જયારે ઘણા એવા જિલ્લાઓ છે જેમાં કોંગ્રેસને મુરતિયો મળવો મુશ્કેલ છે.
યુથ કોંગ્રેસના હોદ્દેદારોએ ટિકિટ માંગતા 3 બેઠકો પર ખેંચતાણ થવાની શક્યતા સેવાઇ રહી છે.
રાજ્યની ધંધુકા, છોટાઉદેપુર અને પાલનપુર એમ 3 બેઠકો પર ખેંચતાણ થવાની સંભાવના છે કારણ કે 3 સિટિંગ ધારાસભ્યો સામે યુથ કોંગ્રેસના હોદ્દેદારોએ ટિકિટ માંગી છે. ગુજરાત યુથ કોંગ્રેસના પ્રમુખ સહિતના હોદ્દેદારોએ ટિકિટ માંગી છે. ગુજરાત યુથ કોંગ્રેસના પ્રમુખ હરપાલસિંહ ચુડાસમા, યુથ કોંગ્રેસના ઉપપ્રમુખ સંગ્રામ રાઠવા, યુથ કોંગ્રેસના મહામંત્રી અંકિતાબેન ઠાકોર, યુથ કોંગ્રેસના બનાસકાંઠાના ઉપપ્રમુખ સંજય ચૌધરી, યુથ કોંગ્રેસના મહામંત્રી ઉપેન્દ્રસિંહ જાડેજા, યુથ કોંગ્રેસના પંચમહાલ જિલ્લાના પ્રમુખ મિકી જોસેફ, યુથ કોંગ્રેસના મહામંત્રી રાહુલ પરમાર અને યુથ કોંગ્રેસના મહામંત્રી ઈરફાન શેખે ટિકિટની માંગ કરી છે.
કઈ બેઠક પર કોણે નોંધાવી દાવેદારી?
તમને જણાવી દઇએ કે, ગુજરાત યુથ કોંગ્રેસના પ્રમુખ હરપાલસિંહ ચુડાસમાએ ધંધુકા બેઠક પર દાવેદારી નોંધાવી છે. મહત્વનું છે કે, હરપાલસિંહ ચુડાસમા અમદાવાદ જિલ્લા પંચાયતના સદસ્ય પણ છે. ગુજરાત યુથ કોંગ્રેસના ઉપપ્રમુખ સંગ્રામ રાઠવા કે જેઓએ છોટા ઉદેપુર બેઠક પર દાવેદારી નોંધાવી છે. સંગ્રામ રાઠવા કે જેઓ છોટા ઉદેપુર નગરપાલિકાના પ્રમુખ પણ છે. આ સિવાય યુથ કોંગ્રેસના મહામંત્રી અંકિતાબેન ઠાકોરે બનાસકાંઠાની પાલનપુર બેઠક પરથી દાવેદારી નોંધાવી છે. અંકિતાબેન ઠાકોર કે જેઓ પાલનપુર નગરપાલિકાના સદસ્ય છે.યુથ કોંગ્રેસના બનાસકાંઠાના ઉપપ્રમુખ સંજય ચૌધરી કે જેઓએ પાલનપુર બેઠક પર દાવેદારી નોંધાવી છે. સંજય ચૌધરી તાલુકા પંચાયતના કારોબારી ચેરમેન પણ છે. ગુજરાત યુથ કોંગ્રેસના મહામંત્રી ઉપેન્દ્રસિંહ જાડેજાએ કચ્છની માંડવી બેઠક પરથી દાવેદારી નોંધાવી છે. યુથ કોંગ્રેસના પંચમહાલ જિલ્લાના પ્રમુખ મિકી જોસેફે ગોધરા બેઠક પરથી દાવેદારી નોંધાવી છે. યુથ કોંગ્રેસના મહામંત્રી રાહુલ પરમારે અમદાવાદની અસારવા બેઠક પર દાવેદારી નોંધાવી છે. યુથ કોંગ્રેસના મહામંત્રી ઈરફાન શેખે સુરતની લિંબાયત બેઠક પરથી દાવેદારી નોંધાવી છે.
કોંગ્રેસ સપ્ટેમ્બરના અંતમાં 58 ઉમેદવારોના નામ કરશે જાહેર: બિમલ શાહ, ગુજરાત કોંગ્રેસના પ્રદેશ ઉપાધ્યક્ષ
ગુજરાત કોંગ્રેસના પ્રદેશ ઉપાધ્યક્ષ બિમલ શાહનું મોટું નિવેદન સામે આવ્યું છે. સપ્ટેમ્બર માસના અંતમાં ઉમેદવારોના નામ કરાશે જાહેર કરી તેવામાં આવશે. શહેરી બેઠકોના ઉમેદવારોના નામ વહેલા જાહેર કરાશે. છેલ્લા ત્રણ ટર્મથી હારતી બેઠક પર કોંગ્રેસ ઉમેદવાર જલ્દી જાહેર કરશે. વધુ વિગત આપતા તેઓએ કહ્યું કે ઉમેદવારોનું લિસ્ટ હાઈકમાન્ડને મોકલાયું હતુ. જાહેર કરવામાં આવનાર 58 બેઠકો માટે કોંગ્રેસને ચૂંટણી લડવા 600થી વધુ ઉમેદવારોના બાયોડેટા મળ્યા હતા. વરસાદને કારણે ચૂંટણી લડવા ઈચ્છુક ઉમેદવારોને બાયોડેટા મોકલવા સમય લંબાવાયો છે. સીટિંગ MLAની સીટ પરથી મર્યાદીત બાયોડેટા મળ્યા છે જ્યારે SC અનામત બેઠકો પર અઢળક ઉમેદવારોએ દાવેદારી નોંધાવી છે.