સ્થાનિક સ્વરાજની ચૂંટણીમાં કોંગ્રેસ દ્વારા વર્ચસ્વ ધરાવતા નેતાઓને પણ સાઈડ-લાઈન કરી શકાય છે
ગાંધીનગરમાં કોંગ્રેસ ચૂંટણી સમિતિની બેઠક
ખાનગી ફાર્મ હાઉસમાં કોંગ્રેસના સિનિયર નેતાઓ અને નિરીક્ષકોની બેઠક
છ મહાનગરપાલિકના ઉમેદવાર માટે કોગ્રેસમાં મંથન
ગાંધીનગરમાં કોંગ્રેસ સમિતીની બેઠક યોજાઈ છે. ખાનગી ફાર્મ હાઉસ ખાતે કોંગ્રેસના સિનિયર નેતાઓ અને નિરીક્ષકોની બેઠક યોજાઈ છે. છ મહાનગરપાલિકાના ઉમેદવારોના નામની યાદી જાહેરાત પહેલા આ વિશેષ બેઠક યોજવામાં આવી છે. આ બેઠકમાં સિટિંગ કોર્પોરેટર્સને ટિકિટ આપવી કે નહીં. તે વાત પર પણ મંથન કરવામાં આવશે. જો કે, નવા સિમાંકનના કારણે સિટિંગ કોર્પોરેટર્સના પત્તા કપાઈ શકે છે. સાથે જે કોર્પોરેટર્સે પક્ષના આદેશોના ઉલ્લંઘન કર્યા હશે. તેના માટે પણ મુશ્કેલી સર્જાઈ શકે છે.
તો સાથે વર્ચસ્વ ધરાવતા નેતાઓને પણ સાઈડ-લાઈન કરી શકાય છે. આ મુદ્દાઓ પરથી અનુમાન લગાવી શકાય છે કે, કોંગ્રેસ આ વખતે નવા ચહેરાઓને ઉતારવાના મૂડમાં છે. 6 મનપાની ચૂંટણીના મોટાભાગના ઉમેદવારની પસંદગી બાદ આજે રાત્રે અથવા આવતીકાલે ઉમેદવારોની યાદી જાહેર થઈ શકે છે.