આવતીકાલે શપથ સમારોહ પહેલા બપોરે 12:00 વાગ્યે હોટલ લીલા ખાતે ભાજપના ધારાસભ્યોની બેઠક
આવતી કાલે હોટલ લીલા ખાતે ભાજપના ધારાસભ્યોની બેઠક
બપોરે 12-00 વાગ્યે ભાજપના ધારાસભ્યોની બેઠક
શપથ સમારોહ પહેલા ભાજપના ધારાસભ્યોને બેઠક મળશે
ગુજરાતમાં જનતાનો વિશ્વાસ જીતી ભાજપે ભવ્ય જીત મેળવી છે, ગઈકાલે ગાંધીનગરમાં આવેલા ભાજપના પ્રદેશ કાર્યાલય કમલમ ખાતે ધારાસભ્ય દળની બેઠક યોજાઈ હતી. જેમાં ધારાસભ્ય દળના નેતા તરીકે ભૂપેન્દ્ર પટેલની પસંદગી કરાઇ હતી. આવતીકાલે ભૂપેન્દ્ર પટેલ અને તેમના મંત્રીમંડળના શપથ લેવાના છે. જેમાં PM મોદી, રાજનાથ સિંહ, અમિત શાહ અને જેપી નડ્ડા સહિત ભાજપ શાસિત રાજ્યોના સીએમ પણ હાજર રહેશે. જેને લઈ PM મોદી આજે જ ગુજરાત આવી પહોંચશે. આવતીકાલે હોટલ લીલા ખાતે ભાજપના ધારાસભ્યોની બેઠક યોજાશે
શપથગ્રહણ પહેલા ભાજપના ધારાસભ્યોની બેઠક
ગુજરાતના ભાવિ મુખ્યમંત્રી ભૂપેન્દ્ર પટેલે શપથવિધિ પહેલા જૂના મંત્રીઓ સાથે ઔપચારિક મુલાકાત કરી હતી. શપથવિધિ પહેલા ભૂપેન્દ્ર પટેલે તમામ જૂના મંત્રીઓને બપોરના ભોજન માટે આમંત્રણ મોકલ્યું હતું. જેથી તમામ મંત્રીઓ ગાંધીનગર મુખ્યમંત્રી નિવાસસ્થાને પહોંચ્યા હતા. આવતીકાલે શપથ સમારોહ પહેલા બપોરે 12:00 વાગ્યે હોટલ લીલા ખાતે ભાજપના ધારાસભ્યોની બેઠક યોજાશે.
ગોવાથી સીધા ગુજરાત આવશે PM મોદી
વડાપ્રધાન મોદી આજે રાત્રે જ ગુજરાત આવશે. આજે રાત્રે 11 વાગ્યાની આજુબાજુ PM મોદી અમદાવાદ એરપોર્ટ પર આવશે. જે બાદ આવતીકાલે બપોરે PM મોદી નવી સરકારની શપથવિધિમાં સામેલ થશે. ઉલ્લેખનીય છે કે, અગાઉ પ્રધાનમંત્રી સોમવારે ગુજરાતના પ્રવાસે આવાના હતા. આ દરમિયાન પ્રધાનમંત્રી મોદી અમદાવાદ એરપોર્ટથી શપથગ્રહણના સ્થળ સુધી રોડ-શૉ પણ કરવાના હતા. જોકે, હવે વડાપ્રધાન મોદી ગોવાથી સીધા આજે રાત્રે અમદાવાદ આવશે.
ભૂપેન્દ્ર પટેલના મંત્રી મંડળના આવતીકાલે શપથગ્રહણ
રાજ્યના મુખ્યમંત્રી તરીકે ભૂપેન્દ્ર પટેલ અને તેમના નવા મંત્રી મંડળ આવતીકાલે શપથ લેશે. તેઓ ગાંધીનગરમાં હેલિપેડ ગ્રાઉન્ડ ખાતે બપોરે 12-00 વાગ્યે શપથગ્રહણ કરશે. જોકે, અહી નોંધનીય બાબત એ છે કે, આવતીકાલે જ ભૂપેન્દ્ર પટેલ અને તેમના મંત્રીમંડળના તમામ સભ્યો સાથે જ શપથગ્રહણ કરશે.
ભાજપશાસિત રાજ્યોના મુખ્યમંત્રીઓને પણ અપાયું આમંત્રણ
આ શપથગ્રહણ સમારોહમાં વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ પણ હાજર રહેશે. પ્રદેશ ભાજપ દ્વારા પરસોત્તમ રૂપાલા, સ્મૃતિ ઇરાની, નીતિન ગડકરી, મનસુખ મંડવીયા સહિતના કેન્દ્રીય મંત્રીઓને આમંત્રણ આપવામાં આવ્યું છે. સાથે જ સમારોહમાં ભાજપશાસિત રાજ્યોના મુખ્યમંત્રીઓ નાયબ મુખ્યમંત્રીઓને પણ આમંત્રણ આપવામાં આવ્યું છે. નવી સરકારના શપથગ્રહણ સમારોહ માટે ઉત્તર પ્રદેશના મુખ્યમંત્રી યોગી આદિત્યનાથ, મહારાષ્ટ્રના મુખ્યમંત્રી એકનાથ શિંદે, નાયબ મુખ્યમંત્રી દેવેન્દ્ર ફડણવીશ, ગોવાના મુખ્યમંત્રી પ્રમોદ સાવંત, મધ્યપ્રદેશના મુખ્યમંત્રી શિવરાજસિંહ ચૌહાણ, હરિયાણાના મુખ્યમંત્રી મનોહરલાલ ખટ્ટર, ઉત્તરાખંડના મુખ્યમંત્રી પુષ્કરસિંહ ધામી અને કર્ણાટકના મુખ્યમંત્રી બસવરાજ બોમ્મઈને આમંત્રણ આપવામાં આવ્યું છે.