કોંગ્રેસના એક જૂથની નરેશ રાવલના ઘરે મળી બેઠક હતી, જેમાં નવા પ્રદેશ પ્રમુખ અને નેતા વિપક્ષ મુદ્દે ચર્ચા થઈ હતી, બેઠકમાં થયેલી ચર્ચાની કેટલીક ખાનગી માહિતી Vtv પાસે આવી છે
ગુજરાત કોંગ્રેસને લઇ સૌથી મોટા સમાચાર
કોંગ્રેસ નેતાઓની બેઠકને લઇ માહિતી આવી સામે
બેઠકમાં ચર્ચાયેલા મુદ્દાઓને લઇ VTV પાસે સચોટ માહિતી
ગુજરાત કોંગ્રેસને લઈ સૌથી મોટા સમાચાર સામે આવ્યા છે. કોંગ્રેસ નેતાઓની બેઠકને લઇ સૂત્રોકીય માહિતી સામે આવી છે. કોંગ્રેસના એક જૂથની નરેશ રાવલના ઘરે મળી બેઠક હતી. જેમાં નવા પ્રદેશ પ્રમુખ અને નેતા વિપક્ષ મુદ્દે ચર્ચા થઈ હતી. બેઠકમાં થયેલી ચર્ચાની કેટલીક ખાનગી માહિતી Vtv પાસે આવી છે. ગુજરાત કોંગ્રેસમાં સિનિયર નેતાઓ કે પૂર્વ પ્રમુખ રહી ચુકેલાને પ્રદેશ પ્રમુખ ન બનાવવાની આ બેઠકમાં ચર્ચાનો ખુલાસો થયો છે.
ભરતસિંહ સોલંકી, અર્જુન મોઢવાડિયાને પણ પ્રમુખ ન બનાવવા મુદ્દે પણ ચર્ચા થઈ હતી. સાથે શક્તિસિંહ ગોહિલ અને સિદ્વાર્થ પટેલના નામ પર પણ ચર્ચાઓ થઈ હતી. કારણ કે કોંગ્રેસના પૂર્વ પ્રમુખો ચૂંટણીમાં પરિણામ અપાવી ન શક્યા હોવાનું તારણ છે. દિલ્હીમાં હાઈકમાન્ડમાં નવા ચહેરાને પ્રમુખ પદે તક આપવા રજૂઆત કરાશે.
તો કોંગ્રેસના એક જૂથની નરેશ રાવલના ઘરે મળેલી બેઠકમાં વિપક્ષ નેતાના પદ માટે પણ બેઠકમાં મહત્વની ચર્ચા થઈ હતી. વિપક્ષ નેતા અને પ્રદેશ પ્રમુખ માટે 3-3 નામની પેનલ બનાવાઇ છે. પ્રદેશ પ્રમુખ માટે જગદીશ ઠાકોર, નારણ રાઠવા અને નરેશ રાવલનું નામ ચર્ચામાં છે. નેતા વિપક્ષ માટે શૈલેષ પરમાર, વિરજી ઠુમ્મર અને પૂંજા વંશના નામની ચર્ચા છે. હાઇકમાન્ડ સૂચનો માગે તો પેનલના નામની રજૂઆત કરવાનું બેઠકમાં નક્કી થયું છે. નરેશ રાવલના ઘરે હાજર રહેલા નેતાઓએ સોનિયા ગાંધી પાસે મુલાકાતનો સમય માગ્યો છે. પ્રદેશ સંગઠન નિમણૂંક અંગે રજૂઆત કરવા માટે સમય માગ્યો છે.