બોલિવૂડ / VIDEO: રાખી સાવંતને સ્પર્શ કરવાનો પ્રયત્ન કરી રહ્યો હતો શખ્સ, એક્ટ્રેસે ગુસ્સે થઈને જાહેરમાં કરી નાખી આવી હાલત

• રાખી સાવંતનો વીડિયો વાયરલ 
• શખ્સને જાહેરમાં ખખડાવ્યો 
• સ્પર્શ કરવાને લઈને ગુસ્સે થઈ એક્ટ્રેસ 

વેલેન્ટાઈન પહેલા રાખી સાવંતે એક ખૂબ જ દુઃખદ ખબર આપી હતી. તેણે જણાવ્યું હતું કે તેમનું લગ્ન જીવન હવે તૂટી ગયું છે. આ ખબર બાદ તે મીડિયા સામે આવી અને કંગના રનૈતને ખરી ખોટી સંભળાવવા લાગી અને જ્યારે એક વ્યક્તિ તેની સાથે ફોટો ક્લિક કરાવવા આવ્યો તો તેણે તેને ખૂબ જ ખરાબ રીતે ખખડાવી નાખ્યો. 

સ્પર્શ કરવાનો પ્રયત્ન કરી રહ્યો હતો વ્યક્તિ 
બિગ બોસ હાઉસથી બહાર આવ્યા બાદ રાખી સાવંત સતત ચર્ચામાં રહી છે. રાખી સાવંતે જ્યાં પહેલા શમિતા શેટ્ટીની બર્થ ડે પાર્ટીમાં બિગ બોસની રિયલ વાતો જણાવતા લોકોને સરપ્રાઈઝ કરી નાખ્યા હતા ત્યાં જ બીજી તરફ અચાનક તેના પતિ રિતેશ સાથે અલગ થવું ફેન્સ માટે શોક હતું. હવે રાખી સાવંતનો એક વીડિયો સામે આવ્યો છે જેમાં તે એક ફેનની ઉપર ત્યારે ભડકી જ્યારે તે તેને સ્પર્શ કરવાનો પ્રયત્ન કરી રહ્યો હતો.  

ગુસ્સે થઈ રાખી 
રાખી સાવંતનો એક વીડિયો ઈન્ટરનેટ પર વાયરલ થઈ રહ્યો છે. પાપારાજી વિરલ ભયાનીના યુટ્યુબ ચેનલ પર આ વીડિયો રિલીઝ કરવામાં આવ્યો છે જેમાં એક વ્યક્તિ રાખી સાવંતની સાથે સેલ્ફી લેવા માટે આગળ આવે છે પરંતુ જેવો તે હાથ રાખીના ખભા પર મુકે છે રાખી તેના પર ગુસ્સે થઈ જાય છે.