ચાણક્ય નીતિ / ગધેડા પાસેથી માણસે ખાસ શીખવી જોઈએ આ 3 વાતો, દરેક કામમાં સો ટકા મળશે સફળતા

• ચાણક્યની કૂટનીતિઓ આજના સમયમાં પણ સંપૂર્ણ રીતે બંધબેસે છે. 
• ચાણક્ય-નીતિમાં લખ્યું છે કે દરેક વ્યક્તિએ ગધેડા પાસેથી ત્રણ ગુણ શીખવા જોઈએ
• ત્રણ ગુણ કયા છે ચાલો જાણીએ 

આચાર્ય વિષ્ણુગુપ્ત ચાણક્ય તેમના રાજનીતિ વિદ્વાનતા, આચાર-વિચારની નીતિશાસ્ત્રના રાજદ્વારી તરીકે ગુણોથી ખૂબ જ જાણીતા છે. જણાવી દઈએ કે ચાણક્યનું જન્મ સમયનું નામ વિષ્ણુગુપ્ત હતું અને ચણક આચાર્યના પુત્ર હોવાને કારણે તેમને 'ચાણક્ય' કહેવામાં આવતા હતા. આચાર્ય ચાણક્ય ચંદ્રગુપ્ત મૌર્યના મહામંત્રી, શિક્ષક સહિત તેમના સ્થાપક હતા. આચાર્ય ચાણક્ય મૌર્ય વંશના રાજનૈતિક  ગુરુ હતા. ઇ. સ. 2500 માં આચાર્ય ચાણક્યએ અર્થશાસ્ત્ર, લઘુ ચાણક્ય, વૃધ્ધ ચાણક્ય, ચાણક્ય-નીતિ શાસ્ત્ર લખ્યા હતા. આચાર્ય ચાણક્યની કૂટનીતિઓ આજના સમયમાં પણ સંપૂર્ણ રીતે બંધબેસે છે. 

જણાવી દઈએ કે અશ્વિની પારાશરનની પુસ્તક 'ચાણક્ય નીતિ' અનુસાર ચાણક્ય-નીતિ શાસ્ત્રના છઠ્ઠા અધ્યાયમાં આચાર્ય ચાણક્યએ કહ્યું છે કે દરેક વ્યક્તિએ ગધેડા પાસેથી ત્રણ ગુણ શીખવા જોઈએ. જો કોઈ વ્યક્તિ આ ત્રણ વાતોને તેના જીવનમાં લાગુ કરે છે તો જીવનમાં ક્યારેય છેતરાશે નહીં અને તેની સાથે તેને સફળતા પણ મળશે. આચાર્ય ચાણક્યએ કયા ત્રણ ગુણ ગધેડા પાસથી શીખવા માટે કહ્યા હતા તેના વિશે આજે અમે તમને જણાવવા જઈ રહ્યા છીએ. 

1. આળસનો ત્યાગ કરો 
આચાર્ય ચાણક્યએ ચાણક્ય-નીતિમાં કહ્યું છે કે જેમ ગધેડો ખૂબ થાકી જય છે ત્યારે પણ વજન ઉપાડીને ચાલતો રહે છે. તે ક્યારેય આળસ નથી કરતો . બસ એવી જ રીતે બુદ્ધિશાળી વ્યક્તિએ પણ આળસ કર્યા વિના હંમેશા પોતાનું લક્ષ્ય પ્રાપ્ત કરવાનો પ્રયત્ન કરતાં રહેવું જોઈએ. લક્ષ્યથી ક્યારેય વિચલિત થવું જોઈએ નહીં. 

2. બદલતી ઋતુથી ન ડરવું જોઈએ 
આચાર્ય ચાણક્યએ ચાણક્ય-નીતિમાં કહ્યું છે કે જેમ ગધેડો દરેક ઋતુમાં અને દરેક પરિસ્થિતિમાં પોતાનું કામ કરતો રહે છે. તે જ રીતે વ્યક્તિ એ પણ ગરમી કે ઠંડીની કોઈ પણ ઋતુ આવવા પર ફરક ન પડવો જોઈએ. જો કોઈ વ્યક્તિ ઋતુને કારણે તેની ફરજમાંથી ભટકી જાય છે તો તે તેના લક્ષ્યથી ભટકી જાય છે.

3. હંમેશા સંતુષ્ટ રહો 
આચાર્ય ચાણક્યએ ચાણક્ય-નીતિમાં કહ્યું છે કે જેમ ગધેડો ગમે ત્યાંથી હંમેશા સંતુષ્ટ થઈને નીકળે છે. તેવી જ રીતે બુદ્ધિશાળી વ્યક્તિએ હંમેશા સંતુષ્ટ રહેવું જોઈએ. વ્યક્તિએ હંમેશા ફળની ચિંતા કર્યા વિના સંતોષપૂર્વક કામ કરવું જોઈએ અને ગધેડાની જેમ જ પોતાના કામમાં વ્યસ્ત રહેવું જોઈએ.