ટાઈલર કોહેન નામના વ્યક્તિને પોતાની મન પસંદ કંપની ગૂગલમાં નોકરી માટે મળ્યા 39 રિજેકશન અને અંતે 40માં પ્રયાશે તેને સફળતા મળી હતી. તેને લિન્ક્ડઇન પોસ્ટ દ્વારા આપી માહિતી.
ગૂગલમાં નોકરી માટે વ્યક્તિને મળ્યું 39 વાર રિજેકશન
40માં પ્રયાશે નોકરી મળી જેની ખુશી સો.મીડિયામાં શેર કરી
લોકોએ અને ગૂગલે પણ કોમેન્ટમાં આપી પ્રતિક્રિયા
એક વ્યક્તિને પોતાની મન પસંદ કંપનીમાં નોકરી માટે મળ્યા 39 રિજેકશન અને અંતે 40માં પ્રયાશે તેને સફળતા મળી હતી. આ ખુશી તેણે લિન્ક્ડઇનમાં જણાવી હતી. જ્યાંથી તેની આ કહાની વાયરલ થઇ ગઈ હતી. આ વ્યક્તિનું નામ ટાઈલર કોહેન છે. લિંક્ડઇન પર મળેલી જાણકારી અનુસાર તે અમેરિકાના કેલિફોર્નિયાનો છે. ટેલર ડોરડેશ કંપનીમાં કામ કરતો હતો. તેઓ ત્યાં Strategy & Ops એસોસિએટ મેનેજર હતો. પરંતુ તે સતત ગૂગલમાં નોકરી માટે અરજી કરતો હતો.
વારંવાર મળ્યું હતું રિજેકશન
વારંવાર પ્રયત્નો કરવા છતાં તેમને રીજેક્ટ કરી દેવામાં આવતો હતો. આખરે તેનો 40મો પ્રયાસ રંગ લાવ્યો અને હવે તેને ગૂગલ માટે પસંદ કરવામાં આવ્યો છે. ત્યારબાદ તેણે લિંક્ડઈન પોસ્ટ પર ખુશી વ્યક્ત કરી છે. ટાઈલર કોહેને પોતાના રિજેક્શન લેટર્સ સાથે મેલનો સ્ક્રીનશોટ શેર કરતી વખતે લખ્યું- જીદ અને પાગલપનમાં બહુ ઓછો ફરક છે. મને હજી સુધી સમજાતું નથી કે મારી મારી અંદર શું છે. 39 રિજેકશન અને એક સ્વીકૃતિ.
3 વર્ષથી સતત અરજી કરતો હતો
ટાઈલરના સ્ક્રીનશોટ અનુસાર, તે 25 ઓગસ્ટ, 2019થી ગૂગલમાં નોકરી માટે અરજી કરી રહ્યો હતો. તેની પોસ્ટને ગૂગલના હેન્ડલ પરથી પણ જવાબ મળ્યો હતો. "આ સફર કેટલો અદ્ભુત છે, ટાઈલર! સમય ચોક્કસ આવી ગયો છે. આ સાથે જ ગૂગલ દ્વારા એક હસવાની ઇમોજી પોસ્ટ કરવામાં આવી છે.
ગુગલે પણ આપી પ્રતીક્રીયા
ટાઈલરની આ પોસ્ટ પર 40 હજારથી વધુ લોકોએ પ્રતિક્રિયા આપી છે. લોકો કોમેન્ટ કરી રહ્યા છે અને ટાઈલરને પણ અભિનંદન આપી રહ્યા છે. ટાઈલરની પોસ્ટ પર ઘણા લોકોએ તેના રિજેક્શનની વાત પણ કહી છે. એક યુઝરે લખ્યું: "મેં 83 વખત અરજી કરી છે. મને 52 રિજેકશન મળ્યા છે અને અને હજુ પણ ફાઇનલ રાઉન્ડની રાહ જોઇ રહ્યો છું. બીજાએ લખ્યું- મે અત્યાર સુધી માત્ર 5 કે 6 વાર જ અરજી કરી છે. ટાઈલરને પોતાનો અનુભવ શેર કરવા બદલ લિંક્ડઇન દ્વારા પણ આભાર વ્યક્ત કરવામાં આવ્યો છે. લિંક્ડઇનના હેન્ડલ વતી લખ્યું - અનુભવ શેર કરવા બદલ આભાર. આ વાંચીને લોકો સમજી શકે છે કે તે એકલો નથી.