આસામના શિવસાગર જિલ્લામાં એક વ્યક્તિનું ભારત-પાકિસ્તાન ટી-20 ક્રિકેટ મેચ જોતા જોતા થયું મોત
મેચ જોતા જોતા એક વ્યક્તિનું મોત
શિવસાગરમાં હાર્ટ ઍટેકથી મોત
34 વર્ષીય બિટુ ગોગોઈ થયું મોત
આસામના શિવસાગર જિલ્લામાં ભારત-પાકિસ્તાન T20 ક્રિકેટ મેચ જોતી વખતે હાર્ટ એટેકથી એક વ્યક્તિનું મોત થયું છે. આ ઘટના રવિવારે સાંજે બની હતી અને તે વ્યક્તિ 34 વર્ષીય અને તેનું નામ બિટુ ગોગોઈ હતું. પોલીસ અધિકારીએ જણાવ્યું કે ગોગોઈ તેમના કેટલાક મિત્રો સાથે રવિવારે સાંજે એક સ્થાનિક સિનેમા હોલમાં ગયે હતા, જ્યાં મેચનું લાઈવ પ્રસારણ કરવામાં આવી રહ્યું હતું. અને ગોગોઈ મેચ જોઈ રહ્યો હતો તે દરમિયાન અચાનક બેભાન થઈ ગયા હતા અને તેના મિત્રો તેને તાત્કાલિક નજીકની હોસ્પિટલમાં લઈ ગયા પરંતું ત્યાં ડોક્ટરોએ તેને મૃત જાહેર કર્યો હતો.
મેચ જોતા જોતા યુવકનું મોત
ડોક્ટરોના જણાવ્યા અનુસાર, ક્રિકેટ મેચ દરમિયાન સિનેમા હોલમાં વધુ પડતા અવાજના પ્રદૂષણને કારણે ગોગોઈને કાર્ડિયાક અરેસ્ટ થયો હતો. મૃતદેહને પોસ્ટમોર્ટમ માટે મોકલી આપવામાં આવ્યો છે. જ્યાં શિવસાગર પોલીસની ટીમે ઘટના સ્થળે પહોંચી વધુ તપાસ શરૂ કરી છે. તેમના પરિવારના જણાવ્યા અનુસાર, ગોગોઈ સ્વસ્થ હતો અને તેને કોઈ પણ બિમારી હતી નહીં.
મેચમાં ભારતનો ભવ્ય વિજય
વિરાટ કોહલી અણનમ 82 રન અને હાર્દિક પંડ્યા 40 રન 78 બોલમાં બનાવી 113 રનની શાનદાર ભાગીદારીને કારણે રવિવારે મેલબોર્નના ક્રિકેટ સ્ટેડિયમમાં રમાયેલી T20 વર્લ્ડ કપની સુપર 12 ગ્રૂપ મેચના ભારતે મજબુતીથી વિજય મેળવી લીધો છે. 4 વિકેટથી હરાવીને તેના ક્રિકેટને રોમાંચક શરૂઆત થઈ હતા. આ સાથે ગત વર્લ્ડ કપમાં પાકિસ્તાન સામે મળેલી હારનો બદલો પણ લીધો હતો. પાકિસ્તાનના 8 વિકેટે 159 રનના જવાબમાં ભારતે 20 ઓવરમાં છ વિકેટના નુકસાને 160 રન કરીને વિરાટ વિજય હાંસલ કર્યો છે. પાકિસ્તાન તરફથી હરિસ રાઉફ અને મોહમ્મદ નવાઝે બે-બે જ્યારે નસીમ શાહે એક વિકેટ ઝડપી હતી.
વિજયનો હકદાર વિરાટ
લક્ષ્યનો પીછો કરવા ઉતરેલી ભારતીય ટીમની શરૂઆત ખૂબ જ ખરાબ રહી હતી, કારણ કે તેણે 6.1 ઓવરમાં 31 રન પર જ ચાર મહત્વની વિકેટ ગુમાવી દીધી હતી. આ દરમિયાન કેએલ રાહુલ-4, કેપ્ટન રોહિત શર્મા-4, સૂર્યકુમાર યાદવ-15 અને અક્ષર પટેલ-0 રન પર ચાલતા થયા હતા. ચાર વિકેટ ફટાફટ પડી ગયા બાદ ભારત મોટી મુશ્કેલીમાં મુકાઈ ગયું હતું. પરંતુ વિરાટ કોહલી અને હાર્દિક પંડ્યાની જોડી જબરજસ્ત રમી હતી. કોહલી ટીમને જીત અપાવીને જ મેદાનમાંથી પાછો ફર્યો હતો.