હત્યા કે આત્મહત્યા? / અમદાવાદના સોલા વિસ્તારમાં યુવકની ઝાડ પર લટકેલી લાશ મળી આવતા ચકચાર

• અમદાવાદમાં યુવકનો મૃતદેહ મળ્યો
• ઝાડ પર લટકતી હાલતમાં ઝારખંડના યુવકનો મૃતદેહ મળ્યો
• યુવક આવાસની સાઈટ પર કરતો કામ

અમદાવાદના સોલા વિસ્તારમાં એક હચમચાવનારી ઘટના સામે આવી છે. અહીં આવાસની સાઈટ પર કામ કરનારા લોકોમાંના એક યુવકનું મૃત્યુ થયું છે. 

પ્રાથમિક માહિતી એવી છે કે અમદાવાદના સોલા વિસ્તારમાં એક આવાસની સાઈટ પર કેટલાક લોકો કામ કરી રહ્યા હતા. આ સમયે અચાનક યુવકની ઝાડ પર લટકતી લાશ જોવા મળી હતી. આ મૃતક ઝારખંડનો વતની હોવાનું સામે આવ્યું છે. સોલા પોલીસે ઘટનાસ્થળે પહોંચીને તપાસ હાથ ધરી છે.