એક આરોપીએ 4 થી 5 દેશમાં 1 હજાર કિલોથી વધુનું હેરોઈન સપ્લાય કર્યું, પહેલી વખત જ ભારતમાં ડ્રગ્સનો જથ્થો મોકલ્યો હતો
ડ્રગ સાથે ઝડપાયેલા 7 ઈરાનીઓની પૂછપરછમાં ખુલાસો
છેલ્લા દોઢ વર્ષમાં 1 હજાર કિલોથી વધુનું હેરોઈન સપ્લાય કર્યું હતું
અન્ય દેશમાં થયેલા સંપર્ક અંગે ATSએ હાથ ધરી તપાસ
પોરબંદરથી ડ્રગ્સ ઘૂસાડવાને લઇ ટેંગો ચાર્લીએ આપેલા ઈનપુટ બાદ મોટી કાર્યવાહી થઈ હતી. જે બાદ મધદરિયેથી (પોરબંદર દરિયાથી) 250 કરોડની કિમતનું હેરોઇન અંદાજિત 50 કિલો સાથે 7 ઈરાની નાગરિકોની ધરપકડ કરવામાં આવી હતી. જે બાદ રિમાન્ડ મજૂર કરાવી સાતેય આરોપીની સાથે અને એક બાદ એક તપાસ હાથ ધરવામાં આવી હતી. જેમાં મોટા ખુલાસા થયા છે. એક ઈરાની દોઢ વર્ષમાં 5 દેશોમાં અલગ અલગ સમયે 1 હજાર કિલો થી વધું ડ્રગ્સ સપ્લાય કર્યું હોવાનું સામે આવ્યુ છે. જેમાંથી ભારતમાં પણ અગાઉ એક આરોપી મુલાકાત કરી હોવાનું સામે આવતાં જ ગુજરાત એટીએસ તે દિશામાં તપાસ હાથ ધરી છે...
આરોપીઓએ પહેલી વખત જ ભારતમાં ડ્રગ્સનો જથ્થો મોકલ્યો
ગુજરાત એટીએસએ દરિયાઇ સીમામાંથી 150 કરોડના ડ્રગ્સ સાથે પકડેલ 7 ઈરાનીઓની પુછપરછમાં ચોંકાવનારા ખુલાસા થયાં છે.પકડાયેલ આરોપી ઇબ્રાહિમ બક્ષી એ અલગ અલગ 5 દેશોમા હેરોઈનનું સપ્લાય કર્યું હોવાનું સામે આવ્યુ છે.આરોપી ઇબ્રાહિમ છેલ્લાં દોઢ વર્ષમાં આશરે 1 હજાર કિલોથી વધું હેરોઇન અલગ અલગ સમયે 5 દેશોમાં સપ્લાય કર્યો હોવાનો ખુલાસો થયો છે. જેમાં આફ્રિકાના દેશો સહીત તાન્જાનિયા, જાંજીબાર,યમન, મસ્કત દેશોમાં હેરોઇન સપ્લાય કર્યું હતુ. જો કે આરોપી ઇબ્રાહિમ ભારતના કોંચિનમાં પણ આવી ચુક્યો હોવાથી ડ્રગ્સનું ત્યાં પણ સપ્લાય કર્યું હોવાની ગુજરાત એટીએસને શકા છે પરતું 7 ઈરાની આરોપીઓની પુછપરછમાં ભારતમાં પ્રથમ વખત ડ્રગ્સનો જથ્થો આપવા આવ્યાં હોવાનું કહી રહ્યાં છે..
આરોપીના 12 દિવસના રિમાન્ડ મંજૂર થયા છે
પોરબંદરમાં ડ્રગ ઝડપાવાનો મામલે સાતેય આરોપીઑને કોર્ડ સમક્ષ હાજર કરવામાં આવ્યા હતા. જેમાં આરોપીના 12 દિવસના રિમાન્ડ મંજૂર થયા હતા. જે બાદ ATS અને અન્ય તપાસ એજન્સીઑને આરોપીની સતત પૂછપરછ કરવામાં આવી હતી જેમાં ઉપરોકત ખુલાસા આરોપીઑ દ્વારા કરવામાં આવ્યા છે ત્યારે હજુ પણ ડ્રગ્સ કારોબાર પરથી વધુ પડદો ઉઠે તેવી શક્યતાઓ સેવાઇ રહી છે.ડ્રગ્સ માફિયા ફરી પોરબંદર દરિયાકાંઠાને લેન્ડિંગ પોઇન્ટ બનાવવાનો પ્રયાસ કરી રહ્યા છે. અને અગાઉ પણ ડ્રગ્સ માફિયાઓએ નાની નાની ખેપ મારી હોવાની પણ આશંકા છે.
ગુજરાત ATS અને કોસ્ટગાર્ડનું સંયુક્ત ઓપરેશનમાં કામયાબી મળી
મહત્વનું છે કે ગુજરાત ATS અને કોસ્ટગાર્ડે ઝડપેલા આ હેરોઈનની કિંમત કરોડમાં હોવાનું મનાઈ રહ્યું છે આંતરાષ્ટ્ર માર્કેટમાં આ પ્રકારના ડ્રગ્સની કિંમત 250 કરોડ હોવાનું જણાઈ રહ્યું છે અગાઉ ભારતીય જળસીમામાં ગેરકાયદે ડ્રગ્સ ઘૂસાડવાના ષડયંત્રનો પર્દાફાશ થયો હતી. કોસ્ટગાર્ડના સૂર અને રાજરત્ન નામના બે જહાજની મદદથી ઓપરેશનને પાર પાડવામાં આવ્યો. મધ દરિયેથી 7 ઈરાનીઑને દબોચી પોરબંદર જેટીએ તેમની નાવડી સહિત લાવવામાં આવ્યા હતા. જેમાં ATS અને કોસ્ટગાર્ડે સંયુક્ત ઓપરેશન હાથ ધરી ભારતીય જળસીમામાંથી 50 કિલો હેરોઇન ઝડપી પાડ્યું હતું અને હેરોઇન સાથે 7 ઈરાની નાગરિકોની ધરપકડ કરી હતીગુજરાતના યુવાધનને માદક દ્રવ્યોના રવાડે ચઢાવી યૌવન ને ખોખલું કરવાના નાપાક ઈરાદાઓ કોણ ધરાવે છે ? આ માદક પદાર્થનો જથ્થો કોના ઇશારે આવ્યો,અને ક્યા પહોચાડવાનો હતો ? આવા સવાલોના જવાબ હવે DRI સહિતની મોટી તપાસ એજન્સીઑ શોધી રહી છે.
ડ્રગ માફિયાની પોરબંદર તરફ નજર કેમ?
કચ્છ સરહદે સુરક્ષાતંત્ર વધુ અલર્ટ બન્યું છે
હવે ડ્રગ માફિયાઓ માટે કચ્છ સરહદેથી ડ્રગ ઘુસાડવું મુશ્કેલ બન્યું
એક સમયે પાકિસ્તાન દ્વારા કચ્છ સરહદેથી ગુજરાતમાં ડ્રગ પહોંચાડાતું હતું
ગુપ્ત ઈનપુટમાં ચોંકાવનારો ખુલાસો સામે આવ્યો
હવે ડ્રગ માફિયાઓ માટે પોરબંદર લેન્ડિંગ પોઈન્ટ બની રહ્યું છે
ડ્રગ્સ માફિયાઓ પાકિસ્તાન, આફ્રિકાથી કંસાઈન્મેન્ટ પહોંચાડે છે
આ પહેલા 1986 થી 1992 સુધી પોરબંદરના દરિયાકાંઠે ડ્રગ્સ આવતું હતું
પોરબંદરથી રાજકોટ માલ પહોંચાડાતો હતો
એક વાત એવી પણ સામે આવી કે પોરબંદરનો દરિયાકિનારો મોટેભાગે સૂમસામ છે