BIG BREAKING / જમ્મુ-કાશ્મીરના માછિલ સેક્ટરમાં મોટી દુર્ઘટના: ભૂસ્ખલનના લીધે ખીણમાં ખાબકતા JCO સહિત 3 જવાન શહીદ

• જમ્મુ-કાશ્મીરમાં બુધવારે સવારે એક દર્દનાક ઘટના 
• ઉત્તર કાશ્મીરના કુપવાડાના માછલ સેક્ટરમાં આર્મીનું વાહન ખીણમાંમાં પડ્યું 
• વાહનમાં બેસેલા ત્રણેય જવાન ખાડામાં પડી જતાં શહીદ થયા 

જમ્મુ-કાશ્મીરમાં બુધવારે સવારે એક દર્દનાક ઘટના બની છે. ઉત્તર કાશ્મીરના કુપવાડાના માછિલ સેક્ટરમાં પેટ્રોલિંગ કરી રહેલા સેનાના ત્રણ જવાનોનું વાહન લપસીને ઊંડી ખીણમાં પડી ગયું હતું. ત્રણેય જવાન ખાડામાં પડી ગયા અને શહીદ થયા છે. સેનાના અધિકારીઓએ જણાવ્યું કે, ત્રણેય જવાનો ડોગરા રેજિમેન્ટની 14મી બટાલિયનના હતા.  તેમના મૃતદેહોને બહાર કાઢવામાં આવ્યા છે.

J&K | During a regular op task in the forward area in Machhal sector, a party of 1 JCO(Junior Commissioned Officer)& 2 OR(Other ranks)slipped into a deep gorge, when snow on the track gave way. Mortal remains of all three bravehearts have been retrieved: Chinar Corps, Indian Army

— ANI (@ANI) January 11, 2023

ચિનાર કોર્પ્સે જણાવ્યું હતું કે, આગળના વિસ્તારમાં નિયમિત ઓપરેશનલ કાર્ય દરમિયાન 01 JCO અને 02 OR ની એક પાર્ટી ઊંડી ખીણમાં લપસી ગઈ હતી. ટ્રેક પર પડેલા બરફ પર લપસીને વાહન ખાડામાં ખાબક્યું હતું. ત્રણેય બહાદુરોના મૃતદેહોને બહાર કાઢવામાં આવ્યા છે.

Incident #ChinarWarriors in #Machhal Sector. During a regular op task in forward area, a party of 01 JCO & 02 OR slipped into a deep gorge, when snow on the track gave way. Mortal remains of all the three #bravehearts have been retrieved. Further details follow.@NorthernComd_IA pic.twitter.com/AjULhI33Ne

— Chinar Corps🍁 - Indian Army (@ChinarcorpsIA) January 11, 2023

વિગતો મુજબ સેનાના જવાનો રૂટીન પેટ્રોલિંગ પર હતા. એક જુનિયર કમિશન્ડ ઓફિસર (JCO) અને અન્ય બે રેન્ક (OR) અધિકારીઓ આર્મી વાહન પર બેઠા હતા. વાહન બરફથી ઢંકાયેલા રસ્તા પરથી પસાર થઈ રહ્યું હતું. અચાનક ગાડી સ્લીપ થઈ અને સીધી ઉંડી ખાડીમાં પડી. ખાડો એટલો ઊંડો હતો કે, કારમાં બેઠેલા ત્રણેય જવાનો ઘટનાસ્થળે જ મૃત્યુ પામ્યા હતા. અધિકારીઓએ જણાવ્યું કે, જવાનોના મૃતદેહોને બહાર કાઢવામાં આવ્યા છે.