આગામી અઠવાડિયામાં ગુજરાતની અમલદારશાહીમાં મોટાપાયે ફેરફાર થવા જઈ રહ્યાં છે. ચાવીરુપ વિભાગો અનુભવી અધિકારીઓને હવાલે કરવામાં આવે તેવી સંભાવના છે.
આવતા સપ્તાહ સુધીમાં વહિવટી તંત્રમાં મોટાપાયે ફેરફારની સંભાવના
પંકજ કુમારને ગૃહવિભાગના પૂર્ણ કક્ષાના એડિશનલ ચીફ સેક્રેટરી બઢતી મળી શકે છે
ડો.રાજીવ કુમાર ગુપ્તાની ઉદ્યોગ વિભાગમાં એસીએસ તરીકે બદલી થઈ શકે છે
ટોચના સૂત્રોના જણાવ્યાનુસાર કેટલાક મહત્વના અને અનુભવી અધિકારીઓની બીજા વિભાગમાં બદલી થઈ શકે છે અથવા તો કેટલાક વિભાગનો પૂર્ણકાલીન હવાલો મળી શકે છે.
આંતરિક વર્તૂળોમાંથી પ્રાપ્ત થતી વિગતો અનુસાર, વન્યુ, પર્યાવરણ અને વન, ઉદ્યોગ,ખાણ-ખનીજ, બંદર, ટ્રાન્સપોર્ટ અને હેલ્થ વિભાગમાં મોટાપાયે ફેરફાર અને બદલીની શક્યતા છે.
હાલમાં ગૃહ વિભાગના વધારાના હવાલાની જવાબદારી સંભાળતા એડિશનલ ચીફ સેક્રેટરી (રેવન્યુ) પંકજ કુમારની ગૃહવિભાગના પૂર્ણ કક્ષાના એડિશનલ ચીફ સેક્રેટરી તરીકે નિમણૂંકની પૂરી સંભાવના છે.
અનિલ મુકિમને ચીફ સેક્રેટરી તરીકે ઍક્સ્ટેન્શન મળી ચૂક્યુ છે
ઉલ્લેખનીય છે કે પંકજ કુમાર અને ડો.ગુપ્તા ચીફ સેક્રેટરી પદના પ્રબળ દાવેદાર હતા પરંતુ કેન્દ્ર સરકારે અનિલ મુકીમને રાજ્યના ચીફ સેક્રેટરી તરીકે બીજી વાર 6 મહિનાનું ઍક્સ્ટેન્શન આપવાનો નિર્ણય કર્યો છે એટલે ઓગસ્ટ 2021 સુધી તેઓ કાર્યરત રહેશે. અનિલ મુકીમ વડાપ્રધાન મોદીની ગૂડબુકના અધિકારી છે અને તેમને વહીવટીય શાખાનો ખૂબ બહોળો અનુભવ છે.
આ રીતે, પર્યાવરણ અને વન વિભાગમાં એડિશનલ ચીફ સેક્રેટરી તરીકે ફરજ બજાવતા ડો.રાજીવ કુમાર ગુપ્તાની ઉદ્યોગ વિભાગમાં ACS તરીકે બદલી થઈ શકે છે. જો કે ડો.ગુપ્તા સરદાર સરોવર નર્મદા નિગમ લિમિટેડ અને સ્ટેચ્યુ ઓફ યુનિટી પ્રોજેક્ટનો વધારો હવાલો સંભાળવાનું ચાલુ રાખશે.
અરુણ કુમાર સોલંકી પણ જીઓલોજી અને માઈન્સ વિભાગના વધારાના કમિશનર તરીકેનો હવાલો સંભાળી રહ્યાં છે.
શહેરી વિકાસ વિભાગમાં ફરજ બજાવતા મુકેશ પુરીની પણ બદલી થઈ શકે છે
શહેરી વિકાસ વિભાગમાં ફરજ બજાવતા મુકેશ પુરીની પણ બદલી થઈ શકે છે. ઉચ્ચ શિક્ષણ વિભાગના પ્રિન્સિપલ સેક્રેટરી અંજુ શર્મા અને જીએમડીસીના એમડી અરુણ કુમાર સોલંકીની પણ નવા વિભાગમાં બદલી થવાની શક્યતા છે.આરોગ્ય અને પરિવાર કલ્યાણ વિભાગના પ્રિન્સિપલ સેક્રેટરી ડો.જયંતિ રવિને પુડુચેરીમાં સેન્ટ્રલ ડેપ્યુટેશન તરીકે રવાના કરાઈ રહ્યાં છે.
ઉદ્યોગ વિભાગમાં પણ મોટાપાયે બદલીની સંભાવના
ઉદ્યોગ વિભાગમાં પણ મોટાપાયે બદલીની સંભાવના છે. ઉદ્યોગ કમિશનર રાહુલ ગુપ્તા અને Indext B ના એમડી નીલમ રાણીની પણ બદલીની ધારણા છે.નીલમ રાણી હાલમાં ગુજરાતમાં ડેપ્યુટેશન પર છે અને કેન્દ્ર સરકાર તેમને વધારે એક્સટેક્શન આપવાનો ઈનકાર કરી દીધો છે. નીલમ રાણીએ ગુજરાત કેડરના આઈએએસ અધિકારી અને હાલમાં ગાંધીનગર કલેક્ટર તરીકે ફરજ બજાવતા કુલદીપ આર્ય સાથે લગ્ન કર્યાં છે.