Canada Day 2025 / ભારતીયોએ કરી 'કેનેડા દિવસ'ની ઉજવણી, હિન્દુ કોમ્યુનિટી દ્વારા યોજાઈ પરેડ

કેનેડામાં 1જુલાઇના રોજ કેનેડા ડેની ખુબજ ભવ્ય ઉજવણી થઇ હતી.. આ દિવસે એક વિશાળ પરેડનું આયોજન કરાયું હતું..જેમાં મોટી સંખ્યામાં લોકોએ ભાગ લીધો હતો..

કોઇ હાથમાં બેનર સાથે જોવા મળ્યું હતું તો કોઇ એકદમ અલગ વેશભૂષામાં.. રેલીમાં કારમાં સવાર લોકો તો હતાજ સાથે-સાથે સ્કૂટર પર સવાર લોકોનું પણ એક જૂથ હતું..

રેલીમાં ભાગ લેનારા દરેકના ચહેરા પર ઉત્સાહ છલકાતો હતો..

કેેનેડામાં હિન્દુ સમુદાયના લોકોની સંખ્યા ખુબ મોટી છે..આ ગૌરવપૂર્ણ દિવસે કેનેડામાં રહેતા હિન્દુ સમુદાયે પણ પરેડમાં ભાગ લીધો હતો.

1 જુલાઈ, કેનેડામાં કેનેડા દિવસ તરીકે ઉજવવામાં આવે છે. કેનેડામાં આ દિવસે રાષ્ટ્રીય રજા હોય છે, અને દેશભરમાં ખૂબ જ ધામધૂમથી આ દિવસની ઉજવણી થાય છે.

કેનેડા ડે કેમ ઉજવાય છે ?

આ દિવસે દેશનું સંઘીકરણ થયું હતું અને બ્રિટિશ સામ્રાજ્યમાં સમાવિષ્ટ ત્રણ પ્રાંતોને એક પ્રભુત્વમાં એકસાથે લાવવામાં આવ્યા હતા. આ અંતર્ગત, કેનેડા પ્રાંતને ન્યૂ બ્રુન્સવિક, નોવા સ્કોટીયા અને ઓન્ટારિયોમાં વિભાજીત કરવામાં આવ્યો હતો અને ક્વિબેકને એકસાથે ભેળવી દેવામાં આવ્યું હતું. ત્રણેય પ્રાંતોને જોડીને, આ દિવસે કેનેડાને સ્વ-શાસિત રાષ્ટ્ર બનાવવામાં આવ્યું હતું. કેનેડાનું બંધારણ પણ આ દિવસે ઘડવામાં આવ્યું હતું.

કેનેડા ડે ની શરૂઆત 1 જુલાઈ, 1867ના દિવસે થઇ હતી. એ જ દિવસે કૅનેડા એક સ્વતંત્ર અને સ્વશાસિત દેશ બન્યો, અને પહેલીવાર કેનેડામાં ઉત્સવની ઉજવણી થઇ. ત્યારથી દરવર્ષે 1 જુલાઇનો દિવસ કેનેડા દિવસ તરીકે ઉજવાય છે.

આ પણ વાંચોઃ હવેથી આ દેશના વિઝા મેળવવામાં ફાંફા પડી જશે, ભારતીયોને પણ થશે સીધી અસર!

આપને જણાવી દઇએ કે કેનેડાનું કુલ ક્ષેત્રફળ 99.8 લાખ વર્ગ કિલોમીટર છે. કૅનેડા કુલ ક્ષેત્રફળની દ્રષ્ટિથી વિશ્વનો બીજો સૌથી મોટો દેશ છે. અમેરિકા સાથે તેની આંતરરાષ્ટ્રીય સીમા વિશ્વની સૌથી વધુ ભૂ-સીમા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ