માન્યતા / ગભરાશો નહીં! હાથ પર ગરોળી પડવી મનાય છે શુભ સંકેત, જાણો તેની પાછળ જોડાયેલ માન્યતા

• મારા પર ગરોળી પડી જાય તો તેનો અર્થ શું થાય છે
• જો તમારા હાથ પર ગરોળી પડે તો તે શુભ છે કે અશુભ?
• સ્ત્રી અને પુરુષ પર ગરોળી પડવાના અલગ અલગ અર્થ 

આપણા સિવાય પણ આપણા ઘરમાં એવા ઘણા જીવો રહે છે. તેમાંથી એક છે ગરોળી. ઘરની દીવાલો પર જ્યારે ગરોળી ફરતી દેખાય ત્યારે નાના મોટા સૌ પરેશાન થઈ જાય છે. કોઈને તેનાથી ડર લાગે છે તો કોઈને ગરોળીને જોઈને ચિતરી ચડે છે. ઘરમાં બધાંની નજર ગરોળી પર ટકેલી હોય છે કે તે ક્યાંક નીચે ન પડી જાય. પણ શું તમે જાણો છો કે જો તમારા પર ગરોળી પડી જાય તો તેનો અર્થ શું થાય છે. 

જો તમારા હાથ પર ગરોળી પડે તો તે શુભ છે કે અશુભ?
શકુન શાસ્ત્ર અનુસાર જો કોઈ વ્યક્તિ પર ગરોળી પડી જાય તો તેને શુભતાનું પ્રતિક માનવામાં આવે છે. માન્યતાઓ અનુસાર જ્યારે ગરોળી પડે છે ત્યારે નાણાકીય લાભ થઈ શકે છે આ સાથે જ માનમાં પણ વધારો થઈ શકે છે. કહેવાય છે કે જ્યારે ગરોળી શરીર પર પડે છે ત્યારે નવા વસ્ત્રોની ખરીદીનો સૂચક પણ સૂચવે છે. 

સ્ત્રી અને પુરુષ પર ગરોળી પડવાના અલગ અલગ અર્થ 
જો કોઈ પુરુષના ડાબા હાથ પર ગરોળી પડે તો તેનો અર્થ એ છે કે તે વ્યક્તિને સંપત્તિમાં નુકસાન થઈ શકે છે . અને જો તે વ્યક્તિના જમણા હાથ પર ગરોળી પડી જાય તો તે ખૂબ જ શુભ માનવામાં આવે છે. 

શાસ્ત્ર અનુસાર જો કોઈ મહિલાના જમણા હાથ પર ગરોળી પડે તો તે અશુભ સંકેત છે. જો કોઈ મહિલાના ડાબા હાથ પર ગરોળી પડી જાય તો તેને શુભ સંકેત માનવામાં આવે છે. ડાબા હાથ પર ગરોળી પડવી દેવી લક્ષ્મીની કૃપા મેળવવાનો સંકેત માનવામાં આવે છે.