OMG! / માત્ર એક અક્ષરની ભૂલ ને વૃદ્ધ પહોંચી ગયા 14 નહીં, 140 નહીં પણ 1400 કિમી દૂર

સામાન્યતઃ આપણાંથી થયેલી એક નાની-નાની ભૂલો આપણને ખૂબ ભારે પડતી હોય છે. ક્યારેક-ક્યારેક થયેલી નાની ભૂલોથી પણ આપણો જીવ અદ્ધર થઇ જાય છે તો ક્યારેક કોઇ મોટી મુશ્કેલીનું કારણ પણ બની જાય છે. આવી જ એક નાની ભૂલ (mistake) એક વૃદ્ધ (old man) શખ્સ દ્વારા થઇ, કે જેનું પરિણામ તેઓને ભોગવવું પડ્યું. જ્યાં સુધી તેમને પોતાની ભૂલનો અહેસાસ થાય ત્યાં સુધી ખૂબ મોડું થઇ ગયુ હતું.

વૃદ્ધની એક ભૂલે તેમને મોટી મુશ્કેલીમાં મુકી દીધાં. માત્ર એક અક્ષરની ભૂલ કરી અને તેઓની આ એક ભૂલથી 1400 કિ.મી સુધી દૂર પહોંચી ગયા. આ ઘટના બર્લિનનાં 81 વર્ષીયની છે. હકીકતમાં, વૃદ્ધને પોપને મળવા જવાનું હતું, પરંતુ તે ક્યાંક અન્ય જગ્યાએ પહોંચી ગયા. મીડિયા રિપોર્ટ્સ અનુસાર પોપને મળવાની ઇચ્છા થઇ, જ્યાર બાદ તેઓ પોતાની કાર લઇને બર્લિનથી રોમ માટે જવા નીકળ્યાં.

(પ્રતિકાત્મક તસ્વીર)

રોમ જવા માટે તેઓએ નેવિગેશન એપનો ઉપયોગ કરીને ડેસ્ટિનેશન વિશે એડ્રેસ નાખ્યું અને તેઓ આરામથી ચાલવા લાગ્યાં. ખૂબ લાંબી મુસાફરી બાદ જ્યારે તેમની એપએ જણાવ્યું કે, તેઓ મૂળ સ્થાન પર પહોંચી ગયા છે ત્યારે તેઓ ખૂબ હેરાન થઇ ગયા. કેમ કે ત્યાં ના તો તેમને પોપ મળ્યા અને ના તો તેમનું વેટિકન સિટી.

ખૂબ શોધખોળ કર્યા બાદ તેમને વેટિકન સિટી તો ના મળી તો તેઓએ લોકો સાથે પૂછપરછ કરવાની શરૂ કરી. પરંતુ કેટલાંક લોકોને પોપ અથવા તો તેમની વેટિકન સિટીને વિશે કોઇ જ જાણકારી નથી. જો કે, લોકોએ તેઓને જણાવ્યું કે તેઓ રોમમાં જ છે ત્યારે તેમની મુશ્કેલી ખૂબ વધારે વધી ગઇ. અંતે તેમને ખ્યાલ આવ્યો કે તેઓ જે રોમમાં છે તે પશ્ચિમી જર્મનીનાં નોર્થ રાઇન વેસ્ટફેલિયાનાં શહેર રોમમાં પહોંચી ગયા છે.

હકીકતમાં, વૃદ્ધે બર્લિનથી રોમ માટે નીકળવા દરમ્યાન નેવિગેશન એપ પર જે રોમની સ્પેલિંગ લખી હતી તે ROM થીષ જ્યારે તેઓએ જે રોમ માટે નિકળ્યાં હતાં તેનો સ્પેલિંગ ROME છે. અંતે માત્ર એક સ્પેલિંગ છુટી જવાથી તેઓ પોતાનાં મૂળ સ્થાનથી 1400 કિ.મી દૂર પહોંચી ગયા.